«Крылья Советов» паркында «Москва слезам не верит» фильмын күрсәтәчәкләр

Кинокартинаның яшь геройлары язмышы турында халык бүген кич белә алачак

Фото: Денис Гордийко

(Казан шәһәре KZN.RU, 20 нче июль). Казанның «Крылья Советов» паркында «Ретро-пәнҗешәмбе» проекты буенча чираттагы фильм күрсәтеләчәк. Бүген халык Владимир Меньшовның «Москва слезам не верит» мелодрамасын карый алачак.

Кинокартина Мәскәүгә провинциядән укырга, шул ук вакытта бәхет эзләргә килгән өч яшь кызның язмышы турында сөйли. Төп герой гашыйк була, ләкин аны ташлап китәләр. Ул өметсезлеккә бирелми, ялгызы гына кыз үстерә һәм искиткеч карьера ясый ала. Ниһаять, тормыш аңа матур кеше белән очрашу һәм чын бәхет бүләк итә.

Кино 21:00 сәгатьтә башланачак, керү ирекле, дип хәбәр итә Казанның парклар һәм скверлар дирекциясе.

Шулай ук укыгыз

Барлык яңалыклар