“Бибинур” фильмы Татарстанны төрки фильмнар фестивалендә тәкъдим итәчәк

Халыкара форум Казанда беренче тапкыр үтә.

(Казан шәһәре KZN.RU, 16-нчы февраль). 21 марттан 25 мартка кдәр Казан Төрки фильмгар фестивален кабул итә. Татарстанны Халыкара фестивальдә Юрий Фетингның “Бибинур” фильмы тәкъдим итәчәк.

Мондый форумны уздыру идеясе узган елда Истанбулда узган Төрки дөнья фильмнары ассоциациясенең президиумы утырышнда яңгырады. Фестивальнең максаты – төрки телле илләрдә яшәүчеләрне соңгы елларда төшерелгән төрки фильмнар белән таныштыру һәм көнбатыш киноиндустриясенә бәйле булмаган фильмнар прокатын булдыру.

Беренче форум Татарстанда үтә. Фестивалҗдә Әзербәйҗан, Казахстан, Россия, Төркмәенстан, Төркия һәм Үзбәкстаннан кинематографчылар катнаша. Фестиваль ел саен төрле илдә уздырылыр, дип фаразлана.

Фильмнар “Мир” киноеатрында һәм башка шәһәрләр һәм районнар мәйданчыкларында күрсәтеләчәк. Иҗади очрашулар Татарстанның Халыклар дуслыгы йортында үтәчәк. Форум кысаларында шулай ук Төрки дөнья фильмнары ассоциациясенең башкарма комитеты утырышы узачак, Нәүрүз бәйрәме билгеләп үтеләчәк, дип хәбәр итә оештыручылар.

Шулай ук укыгыз

Барлык яңалыклар