19 һәм 22 мартта Казанның кайбер йортларында су яшел төстә булырга мөмкин

Казан җылылык челтәрләре җылыүткәргечтә саркып югалу урыннарын билгели.

(Казан шәһәре KZN.RU, 14-нче март). 19 һәм 22 мартта “Татэнерго” АҖ филиалы Казан җылылык челтәрләре “Савиново”, “Азино” һәм “Горки” пар казаннары биналарының җылыүткәргечләренең саркып югалу урыннарын билгеләү өчен суга яшел төсле буягыч матдә Уранин-А кертәчәкләр.

Казан җылылык челтәрләре Авиатөзелеш, Киров, Мәскәү, Яңа Савин, Идел буе һәм Совет районнарында яшәүчеләрне “яшел су” күргән очракта, предприятиенең диспетчерлык хезмәтенә (843) 291-87-95 телефоны аша хәбәр итәргә чакыра.

Уранин-А матдәсе җылылык белән түэмин итүче системаларда кулланырга яраклы һәм РФ Кулланучылар хокукларын яклау һәм кеше иминлеге өлкәләрендә күзәтчелек федераль хезмәте тарафыннан рөхсәт ителгән. Ул саркып агу урыннарын билгеләү өчен индикатор сыйфатында кулланыла, дип билгеләп үттеләр ТКХ комитетында.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар