В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
06.03.2023, 17:42
Казанда туып-үскән фигуралы шуучы Россия Гран-при финалында парлы шуу буенча бронза яулады
Евгения Тарасова һәм Владимир Морозов 225,81 балл җыйдылар.
Фото: minsport.tatarstan.ru
(Казан шәһәре KZN.RU, 6 нчы март). Казанда туып-үскән Евгения Тарасова Владимир Морозов белән бергә фигуралы шуу буенча Россия Гран-при финалында бронза яулады. Ярышлар 2-5 нче мартта Санкт-Петербургта узды.
Кыска һәм ирекле программа өчен фигуралы шуучылар 225,81 балл җыйдылар, дип хәбәр итә ТР Спорт министрлыгы матбугат хезмәте.
Ярышларда беренче урынны Александра Бойкова һәм Дмитрий Козловский пары алды – спортчылар барлыгы 239,74 балл җыйдылар. Көмеш медальне Анастасия Мишина һәм Александр Гәлләмов 239,01 балл нәтиҗә белән яулады.
Искәртеп узабыз, ноябрьдә тагын бер ТР башкаласы кызы Камилә Вәлиева 241,72 балл нәтиҗә белән Казанда узган фигуралы шуу буенча Россия Гран-при этабында җиңү яулады. Евгения Тарасова һәм Владимир Морозов 236,36 балл җыеп, шулай ук беренче урынга лаек булды.
Шулай ук укыгыз
-
25.07.2025, 17:36 -
25.07.2025, 16:54 -
25.07.2025, 16:19 -
25.07.2025, 14:57