WOОF фестивале: шәһәр халкы йортсыз этләрне һәм мәчеләрне сыендыра алачак

WOОF фестивале: шәһәр халкы йортсыз этләрне һәм мәчеләрне сыендыра алачак

<p> Казанда 15 һәм 16 мартта приютлардагы хайваннарга ярдәм йөзеннән WOОF фестивале ачылачак. Мәйданчыкта җирле приютлардан 100 эт һәм мәче тәкъдим ителәчәк. </p> <p> Шәһәр халкы бер хайванны өйләренә ала ала. Барлык хайваннар да тулысынча сәламәт, стерилизация ясалган һәм ветеринария паспортлары бар. Дүрт аяклы дусны сыендыру өчен үзең белән паспорт алырга кирәк: хайваннар җаваплы тоту шартнамәсе буенча гына тапшырыла. </p> <p> Фестиваль программасында – чараның партнерларыннан призлар, фотозона, хәйрия маркеты. Шулай ук ярдәм җыю пунктларында азык, консерв, тәм-томнар, амуниция һәм медикаментлар да тапшырып булчак. Балалар һәм яшүсмерләр өчен иҗади мастер-класслар, викториналар һәм конкурслар оештырылачак. </p> <p> Фестиваль Казан ипподромында Альберт Камалеев ур., 27/1 адресы буенча ачылачак. 15 мартта этләр күргәзмәсе узачак, ә 16 мартта – мәчеләр. Кунакларны 11:00 дән 19:00 га кадәр көтәчәкләр, дип хәбәр итә оештыручылар. </p> <p> Искәртеп узабыз, ТР башкаласында WOОF фестивале инде ике тапкыр үткәрелде. Анда казанлылар 83 хайванны сыендырган. </p> <p> Чара йортсыз хайваннарның туклануын һәм иминлеген өйрәнү үзәге «Ника» хәйрия фонды тарафыннан, «Өйгә кайтыйк» проекты һәм «Татнефть» хәйрия фонды ярдәмендә уздырыла. </p>

2025-03-13T12:11:58+0300