«Кулга-кул тотыныйк, дуслар!» фестивале быел видеорежимда узды

Фестивальнең гала-концертында 200 конкурсант катнашты.

Фото: Совет районы матбугат хезмәте

(Казан шәһәре KZN.RU, 30-нчы декабрь). Казанда физик мөмкинлекләре чикләнгән «Кулга-кул тотыныйк, дуслар!» XIII сәнгать фестивале гала-концерты узды. Ноябрьдә узган сайлап алу турларында 600 кеше катнашты. Финал узды һәм 21-нче, 22-нче декабрьдә Сәет Галиев исемендәге мәдәният йортында 200 конкурсант чыгыш ясады. Видеода яздырылган концертны барлык теләүчеләр дә күрә алачак.

Быел катлаулы эпидемиологик вәзгыять аркасында фестиваль яңа режимда узды: гадәти сайлап алу турлары урынына барлык теләүчеләр үзләренең видеозаявкаларын җибәрделәр.

Гала-концерт үзе концерт төшерү форматында тамашачыларсыз узды. Фестивальдә катнашучылар билгеле бер график буенча, бер-берсе белән кисешмичә, Сәет Галиев исемендәге Мәдәният йортына киләләр, шунда ук бүләкләр һәм дипломнар алалар. Концертның язмасын социаль челтәрләрдә сылтама буенча күрергә мөмкин.

Быел фестивальгә яңа катнашучылар кушылды – Биектау районыннан учреждение һәм «Саба интернат мәктәбе» дәүләт бюджет мәгариф учреждениесе тәрбияләнүчеләре. Шулай итеп, Саба районын ике учреждение тәкъдим итә.

Исегезгә төшерәбез, физик мөмкинлекләре чикләнгән кешеләрнең сәнгать иҗаты фестивале «Кулга-кул тотыныйк, дуслар» Казанда ел да 10 елдан артык уздырыла. Башта сайлап алу турлары үткәрелә, аларда 600-дән артык кеше катнаша. Җиңүчеләр зур гала-концертта чыгыш ясый.

Төрле елларда гала-концертка танылган кешеләр – әйтик, ТР халык артисты Салават Фәтхетдинов, «Голос» программасы финалисты Эльмира Кәлимуллина һәм башкалар килгән иде.

Шулай ук укыгыз

Барлык яңалыклар