“Тәмле Казан” фестивале Russian Event Awards-2018 милли премиясендә гран-прига лаек булды

Быел премиядә катнашу өчен илнең 60 төбәгеннән 578 проект тәкъдим ителгән.

(Казан шәһәре KZN.RU, 27-нче октябрь). “Тәмле Казан” гастрономик фестивале Russian Event Awards-2018 милли премиясе кысаларында гастрономик туризм өлкәсендә иң яхшы вакыйга булып танылды.

Russian Event Awards-2018 вакыйгаи туризм өлкәсендәге милли премиянең финалы Түбән Новгородта 24-27 октябрьдә үтте. Быел премиядә катнашу өчен илнең 60 төбәгеннән 578 проект тәкъдим ителгән. Татарстаннан финалга 22 проект узды.

Бәйгедә төрле юнәлештәге вакыйгалар оештыручылар катнашты.

Ярышлар кысаларында проектларны халык алдында якладылар. Туризм үсешенә булышлык итү комитеты директоры Дарья Санникова сөйләгәнчә, премияләрдә катнашу һәм “Тәмле Казан” кебек фестивальләр уздыру – алга таба үсеш юлы булып тора.

Премия нәтиҗәләре буенча, гастрономик туризм өлкәсендә иң яхшы вакыйга булып “Тәмле Казан” гастрономик фестивале санала. Әлеге номинациядә финалда 20 проект каралды. “Тәмле Казан” гострономия фестивале гран-при алды. Искәртергә кирәк, 2016 елда фестиваль 1-нче урын алган иде.

Моннан кала, “Туристик вакыйга өчен иң яхшы урнаштыру чарасы” номинациясендә 3-нче урынны Казанның “Релита” отеле алды, “Казан Ривьерасы” кунакханә-күңел ачу комплексына гран-при бирелде. Махсус диплом белән “Гранд отель Казан” билгеләнде.

“Иң яхшы бәйрәм вакыйгасы (халкы 100 меңнән артык)” номинациясендә “Фанфары Казани” Халыкара тынлы оркестралар фестивале икенче урын алды, “HORECA by Kazan. Hospitality&Gastro EXPO” проекты “Туризм өлкәсендә иң яхшы туристик MICE вакыйгасы” номинациясендә гран-при алды.

Мактаулы урыннар алган вакыйгалар 2019 елга Россиянең Милли вакыйгалар календаренә кертеләчәк.

Шулай ук укыгыз

Барлык яңалыклар