«Черек күл» паркында «Слэм» фестивале: балалар арасында шигырь укучылар конкурсы, шигъри спектакль һәм китап маркеты

Казанлылар шигъри юнәлешләр турында белә һәм заманча авторлар белән таныша алачак.

Фото: «СЛЭМ» заманча шигърият фестивале матбугат хезмәте

(Казан шәһәре KZN.RU, 26 нчы июль). 27 нче августта «Черек күл» паркында «Слэм» заманча шигърият бөтенроссия фестивале узачак. Казанлылар шигъри юнәлешләр турында белә һәм заманча авторлар белән таныша алачак.

«Слэм» программасы ике өлешкә бүленгән: көндез мәйданчыкта китап маркеты һәм своп, төрле нәшриятлар вәкилләре белән әдәби лектория оештырылачак, шулай ук биредә балалар арасында китап укучылар конкурсы узачак. Кичкә таба паркта «Башка сүз» шигъри спектаклен күрсәтү, бөтен Россиядән заманча шагыйрьләр чыгышы һәм «Слэм» поэзиясенә ярдәм итү программасы резидентларыннан шигъри перфоманс уздыру планлаштырыла.

Фестивальгә керү алдан теркәлү буенча ирекле. Тиздән тулы программа анонсы «Слэм» Telegram-каналында һәм «Вконтакте» социаль челтәре бергәлегендә бастырылачак.

Фестиваль тамашачыларны поэзия формалары һәм юнәлешләре белән таныштыру, шәһәр халкына чыгыш ясаучы артистлар үрнәгендә шигъриятнең ни дәрәҗәдә төрле булырга мөмкин булуын һәм безнең һәркайсыбыз көндәлек тормышыбызда шигырь белән ничек еш очрашуын күрсәтү максатыннан оештырылган, дип хәбәр итә проектның матбугат хезмәте.

Шулай ук укыгыз

Барлык яңалыклар