19 нчы августта Урицкий исемендәге паркта «Алма спасы» XI славян мәдәнияте фестивале узачак

19 нчы августта Урицкий исемендәге паркта «Алма спасы» XI славян мәдәнияте фестивале узачак

<p> 19 августта Урицкий исемендәге парк «Алма спасы» XI славян мәдәнияте фестивален кабул итәчәк. Кунакларны һөнәрчеләр ярминкәсе, мастер-класслар, халык уеннары һәм иҗат коллективларыннан концерт көтә. </p> <p> Бәйрәм мәйданчыгы <b>11:00 </b>сәгатьтә ачылачак. Бу вакытта һөнәрчеләр ярминкәсе эшли башлаячак, анда шәһәр халкы һәм кунаклары автор текстиль курчаклары һәм саклагычлар, кулдан эшләнгән агач һәм күннән эшләнмәләр сатып ала алачак. Ә мастер-классларда кунакларны сәйлән беләзек һәм челтәрләр үрергә, саклык курчаклары ясарга һәм агачтан истәлекле бүләкләргә бизәк төшерергә өйрәтәчәкләр. </p> <p> <b>12:00</b> дә концерт башлана. Тамашачылар алдында шәһәрнең иҗат коллективлары чыгыш ясаячак. Бу Птичкин исемендәге хор, Белоусов казак ансамбле, «Волжанка» ветераннар хоры. Сәхнәгә Татарстанның башка почмаклары вәкилләре дә күтәреләчәк: Әлмәттән «Рябинушка» вокаль ансамбле, Биектау районыннан «Веснянка» халык ансамбле, Лаеш районыннан «Каравон» фольклор ансамбле. </p> <p> Программада шулай ук әйлән-бәйлән уйнау, «Гөрләвек» уены һәм «Яблочко» уен-биюе, авыл көнкүреше почмагы торгызылган фотозона һәм самовардан чәй. </p> <p> Славян мәдәнияте фестивале «Мәскәү» мәдәни үзәге инициативасы белән үткәрелә, дип хәбәр итә шәһәр Башкарма комитетының мәдәният идарәсе. </p> <br> <p>   </p>

2024-08-16T09:38:00+0300