Иртәгә Кабан күлендә «Сапкультура» фестивале узачак

Иртәгә Кабан күлендә «Сапкультура» фестивале узачак

<p> Иртәгә Казанда Кабан күлендә «Сапкультура» фестивале узачак. Анда 300 дән артыграк шәһәрле катнашачак. Программада спорт, гаилә узышлары һәм костюмлы узышлар көтелә. </p> <p> Тамашачыларны байдарка һәм каноэда ишү буенча Ишкәкле спорт төрләре үзәге спортчыларының күрсәтмә чыгышлары көтә. Ә су шоуында райдерлар зур «сап-драконнар» – сигез урынлы серфинг такталарында чыгыш ясаячак. Үз осталыкларын электрогидрофойлда профессионаллар һәм виндсерферлар да күрсәтәчәк. Музыкаль бизәлеш диджей Bubblegumнан булачак. </p> <p> Спорт узышында ераклык 200 метрны тәшкил итә, катнашучыларга аны вакытка узарга кирәк булачак. Катнашу өчен алдан теркәлергә кирәк. Узыш 8:00 сәгатьтә башлана. </p> <p> Рәсәйдә Гаилә елына багышланган гаилә узышлары күңелле стартлар форматында узачак. Бер сапта ике генә гаилә әгъзасы – ике олы кеше яки бала белән бер олы кеше – булырга мөмкин. Узышларга теркәлү сылтама буенча, ул 10:00 сәгатьтә башлана. </p> <p> Узышның соңгы форматына милли киемнәр яки татар әкиятләре геройлары костюмы кирәк булачак. Болай фестивальне үткәрү урыны – Иске Татар бистәсе – ассызыклана. Костюмлы узыш 11:00 сәгатьтә башлана, алдан теркәлү кирәк. </p> <p> Барлык узышларның да катнашучылары кыйммәтле бүләкләргә ия булачак. Алар «Иң тиз сапбордчы», «Иң яхшы миили кием», «Иң тиз гаилә», «Костюм от-кутюр» һәм «Иң эффектлы костюм» номинацияләрендә билгеләнәчәк. </p> <p> Вахитов һәм Идел буе районнары администрациясенең матбугат хезмәте хәбәр итүенчә, ярышларны уздыру урынында куркынычсызлыкны тәэмин итү өчен коткаручылар һәм инструкторлар эшләячәк. Кабан күле махсус калкавычлар белән чикләнәчәк. </p> <p> Фестивальнең оештыручылары: ТР серфинг федерациясе, парклар һәм скверлар дирекциясе, «Иске шәһәр» префектурасы ярдәме белән, Вахитов һәм Идел буе районнары администрациясе. </p>

2024-07-05T16:01:00+0300