Химиклар мәдәният йортында 15 февральдә «КультТорг» аңлы куллану фестивале узачак

Мәйданчыкта эшкәртүгә икенчел чимал һәм киемнәр кабул итәчәкләр, шулай ук мастер-класслар һәм экологик товарлар маркеты уздырачаклар

Химиклар мәдәният йортында 15 февральдә «КультТорг» аңлы куллану фестивале булачак. Кунакларны кирәге булмаган йорт кирәк-яраклары сату, экологик товарлар маркеты, мастер-класслар һәм башка активлыклар көтә. Яхшы хәлдәге киемнәрне хәйрия максатларына тапшырырга мөмкин булачак.

Мәйданчыкта «ЭкоЛогично» проекты активистлары кырыну станоклары, ручкалар, фломастерлар, таблеткалардан блистерлар, теләсә нинди пластик капкачлар, кремнардан, теш пасталарыннан чиста тюбиклар, кирәкмәгән савыт-сабаларны, батареяларны, аккумуляторларны, ватык телефоннарны һәм башка бик күп әйберләрне эшкәртүгә алачак. Тулы исемлек һәм таләпләр белән сылтама буенча танышырга мөмкин.

«Өмет» хәйрия оешмасыннан зооволонтерлар хайваннар приюты өчен азык, чүпрәкләр, инсулин шприцлар, медицина резин перчаткалары, физиологик эремә һәм дезинфекцияләү чаралары җыячаклар.

Чара 12:00 дән 19:00 гә кадәр түбәндәге адрес буенча узачак: Ямашев проспекты, 1. Икенчел чимал җыю зонасы беренче катта урнашачак, керү – ирекле, дип хәбәр иттеләр оештыручылар.

Шулай ук укыгыз

Барлык яңалыклар