«КульТорг» акыллы куллану фестивале Казанда 13 февральдә узачак

Тимерьюлчылар мәдәният йортында бу көнне маркет, икенчел чимал җыю пункты, файдалы ризыклар белән зона, лекторий һәм буккроссинг оештырылачак.

Фото: vk.com/culttorg

(Казан шәһәре KZN.RU, 1-нче февраль). «КульТорг» акыллы куллану фестивале Казанда 13-нче февральдә узачак. Тимерьюлчылар мәдәният йортында бу көнне маркет, икенчел чимал җыю пункты, файдалы ризыклар белән зона, лекторий һәм буккроссинг оештырылачак.

Шулай ук көн дәвамында казанлыларның винтаж әйберләрне яки кием-салым сату һәм сатып алу, «Табигать»экологик проектыннан алмашу фримаркетында булу мөмкинлеге булачак. Моннан тыш, зоналарның берсендә хәйрия фонды өчен кирәксез кием кабул ителәчәк.

Фестивальдә килүчеләрдә апсайклинг-товарларын сатып алу (апсайклинг - иске әйберләрне икенчел куллану, - ред. иск.), шулай ук аларны мөстәкыйль рәвештә ясау мөмкинлеге булачак. «КульТорг» кунаклары шулай ук экотематикага фильмнар карый алачак, дип хәбәр итә Мәдәният идарәсе.

Чара Тимерьюлчылар мәдәният йортында 11.00 сәгатьтән 18.00 сәгатькә кадәр узачак.

Шулай ук укыгыз

Барлык яңалыклар