Казанда «КышДаКар-фест» фестивалендә 100 мең кеше булган

Төрле ризыклар һәм тәм-томнар белән сәүдә рәтләре Касә янында Яңа ел бәйрәмнәре көннәрендә эшләде.

Фото: Денис Гордийко

(Казан шәһәре KZN.RU, 17-нче гыйнвар, Ксения Швецова). Казанда кичә төп шәһәр чыршысы янындагы мәйданчыкта уздырылган «КышДаКар-фест» Яңа ел фестивале тәмамланды. «Казан» гаилә үзәгеннән ерак түгел урнашкан сәүдә рәтләрендә 24-нче декабрьдән 16-нчы гыйнварга кадәр 100 меңләп кеше булган.

«Әлеге фестиваль ел саен популярлык казана, кешеләрне чыршы, якты иллюминацияләр җәлеп итүен дә истә тотарга кирәк. Чарада туристлар күп булды - кунаклар белән тулган автобуслар фестиваль мәйданчыгы янында ук тукталды, - дип сөйләде бүген шәһәр Башкарма комитетында Туризм үсеше комитеты директоры Дарья Санникова. - Шәһәрнең иң матур бәйрәм урыннарының берсендә йөреп кайтырга, тәм-томнардан авыз итәргә, кайнар эчемлек эчәргә мөмкин булган бик кызыклы формат бу».

Исегезгә төшерәбез, фестивальдә җәмәгать туклануы биналары, сувенир продукция җитештерүчеләр, Казан һәм Россиянең башка шәһәрләре фермерлары катнашты.

Яңа ел бәйрәмнәрендә Татарстан башкаласына 138 мең турист килде.