Игелекле эшләр фестивале беренче тапкыр Иске Татар бистәсендә узачак

Игелекле эшләр фестивале беренче тапкыр Иске Татар бистәсендә узачак

<p> Иртәгә Казанда беренче мәртәбә игелекле эшләр фестивале узачак. Каюм Насыйри урамының җәяүлеләр өлешендә шәһәр халкын һәм кунакларны иҗат коллективлары чыгышлары, өй кухнясы һәм балалар уен зонасы көтә. </p> <p> Катнашучыларны Татарстан хезмәт министрлыгы башлыгы Эльмира Зарипова, республика Иҗтимагый палатасы рәисе Зилә Вәлиева, Татарстан Республикасында кеше хокуклары буенча вәкаләтле вәкил Сәрия Сабурская, шәһәр Башкарма комитетының социаль сәясәт идарәсе башлыгы Ирина Смирнова һәм башкалар сәламли. </p> <p> «Приют человека» проекты матбугат хезмәтеннән хәбәр итүләренчә, бу көнне тамашачылар алдында «Алтын» хореография мәктәбе-студиясе, «Напевы» күпмилләтле ансамбле, «Могҗиза» иҗат студиясе вәкилләре, шулай ук 11нче мәктәп-интернатта тәрбияләнүчеләр – «Мечта» коллективы «Ты неси меня, река» биюе белән һәм «Эхо любви» номеры белән «Нежность» дуэты чыгыш ясаячак. </p> <p> Мәйданчыкта кунаклар пылаудан авыз итә алачак, ә яшь шәһәрлеләр күп локацияле балалар уен зонасында шөгыль таба алачак. Катнашучылар арасында тагын 600 дән артык бүләк уйнатылачак. </p> <p> Башлану вакыты: 12:30, Каюм Насыйри ур., 24 нче йорт янында. </p> <p> Игелекле эшләр фестивале Гаилә елы һәм «Приют человека» хәйрия проектының туган көненә багышлана. </p>

2024-09-27T15:57:00+0300