Татарстанның тагын 84 кешесендә коронавирус расланган

36 авыручы Казанда яши.

Фото: Марат Мугинов

(Казан шәһәре KZN.RU, 5-нче февраль). Татарстанда COVID-19 белән авыруның 84 яңа очрагы теркәлгән, шуларның өчесе читтән кертелгән, калганнары – контактлы. 36 кеше хастаханәгә озатылган, 48 кеше өйләрендә дәвалана.

Авыручылар арасында биш балигъ булмаган бала, 18 яшьтән 30 яшькә кадәрге 7 кеше бар, 28 кеше – 30 яшьтән 50 яшькә кадәр, 15 кеше – 50 яшьтән 60 яшькә кадәр, 19 кеше – 60 яшьтән 70 яшькә кадәр, 6 кеше – 70 яшьтән 80 яшькә кадәр, 4 кеше – 80 яшьтән 90 яшькә кадәр.

36 кеше Казанда яши, 14 кеше – Яр Чаллыда, бишәр кеше Яшел Үзән һәм Тукай районнарында, 4 кеше – Югары Ослан районында, өчәр кеше – Чүпрәле һәм Лениногорск районнарында, икешәр кеше – Әлмәт һәм Түбән Кама районнарында, берәр кеше –Алексеевск, Арча, Бөгелмә, Биектау, Алабуга, Зәй, Менделеевск, Яңа Чишмә, Норлат һәм Питрәч районнарында яши.

Барлыгы 5-нче февральгә Татарстанда 16 мең 469 СОVID-19 белән авыру очрагы теркәлгән. Пандемиянең бөтен чорында 12 мең 978 кеше сәламәтләнгән, шул исәптән 97 кеше – узган тәүлектә, дип хәбәр итә ТР Сәламәтлек саклау министрлыгы матбугат хезмәте.

Федераль оператив штаб мәгълүматы буенча, Россиядә тәүлегенә 16 мең 688 яңа авыру очрагы теркәлгән. Барлыгы илдә 3 млн 934 мең 606 кеше авырган, 3 млн 413 мең 495 кеше сәламәтләнгән, 75 мең 732 кеше үлгән.

Шулай ук укыгыз

Барлык яңалыклар