Казанның тагын 44 кешесендә коронавирус расланган

Тәүлек эчендә Татарстанда СОVID-19 белән авырган 98 кеше сәламәтләнгән.

Фото: Марат Мугинов

(Казан шәһәре KZN.RU, 27-нче гыйнвар). Татарстанда COVID-19 белән зарарлануның 84 яңа очрагы теркәлгән, шуларның берсе – читтән кертелгән, калганнары контактлы. 25 кеше хастаханәгә озатылган, 59 кеше өйдә дәвалана.

Авыручылар арасында 18 яшьтән 30 яшькә кадәрге 11 кеше бар, 31 кеше – 30 яшьтән 50 яшькә кадәр, 7 кеше – 50 яшьтән 60 яшькә кадәр, 17 кеше – 60 яшьтән 70 яшькә кадәр, 12 кеше – 70 яшьтән 80 яшькә кадәр һәм 6 кеше – 80 яшьтән 90 яшькә кадәр.

Авыручыларның 44-е Казанда яши, бишәр кеше – Баулы һәм Спас районнарында, өчәр кеше – Алексеевск һәм Бөгелмә районнарында, икешәр кеше – Яр Чаллы, Әтнә, Лениногорск, Норлат, Сарман, Чистай районнарында, берәр кеше – Азнакай, Аксубай, Лаеш, Түбән Кама, Питрәч, Балык Бистәсе һәм Чирмешән районнарында.

27-нче гыйнварга Татарстанда COVID-19 белән авыруның барлыгы 15 мең 707 очрагы теркәлгән. Пандемиянең бөтен чорында 12 мең 138 кеше сәламәтләнгән, шул исәптән 98 кеше – узган тәүлектә, дип хәбәр итә ТР Сәламәтлек саклау министрлыгының матбугат хезмәте. «Спутник V» вакцинасын 12 мең 134 кеше ясаткан, шулардан 2016 кеше –икенче микъдарны .

Федераль оператив штаб мәгълүматы буенча, Россиядә бер тәүлек эчендә 17 мең 741 авыру очрагы теркәлгән. Барлыгы илдә 3 млн 774 мең 672 кеше авырып киткән, 3 млн 202 мең 483 кеше сәламәтләнгән, 71 мең 76 кеше үлгән.

Шулай ук укыгыз

Барлык яңалыклар