Казанның тагын 43 кешесендә коронавирус расланды

Бер тәүлек эчендә Татарстанда СОVID-19 белән авырган 98 кеше сәламәтләнде.

Фото: Марат Мугинов

(Казан шәһәре KZN.RU, 23-нче гыйнвар). Татарстанда COVID-19 белән авыруның 90 яңа очрагы теркәлгән, шуларның 3-е –читтән кергән, калганнары – элемтә аша. 32 кеше хастаханәгә озатылган, 58 кеше өйләрендә дәвалана.

Авыручылар арасында 4 балигъ булмаган бала, 18 яшьтән 30 яшькә кадәрге 5 кеше бар, 21 кеше – 30 яшьтән 50 яшькә кадәрге, 14 кеше – 50 яшьтән 60 яшькә кадәр, 24 кеше – 60 яшьтән 70 яшькә кадәр, 11 кеше – 70 яшьтән 80 яшькә кадәр һәм 80 яшьтән 90 яшькә кадәр.

43 кеше – Казанда, 14 кеше – Чаллыда, 5 кеше – Түбән Кама районында, 4 кеше - Яшел Үзән районында, 3 кеше – Әлмәт, Лаеш һәм Тукай районнарында, икешәр кеше – Актаныш, Бөгелмә һәм Биектау районнарында, берәр кеше – Азнакай, Арча, Буа, Югары Ослан, Зәй, Лениногорск, Минзәлә, Мөслим һәм Саба районнарында яши.

23-нче гыйнварга Татарстанда барлыгы 15 мең 365 COVID-19 йоктыру очрагы теркәлгән. Бөтен пандемия чорында 11 мең 757 кеше сәламәтләнде, шул исәптән 98 кеше – узган тәүлектә, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә тәүлеккә 21 мең 921 авыру очрагы теркәлгән. Барлыгы илдә 3 млн 698 мең 273 кеше авырган, 3 млн 109 мең 315 кеше сәламәтләнгән, 68 мең 971 кеше үлгән.

Шулай ук укыгыз

Барлык яңалыклар