Тагын 25 казанлыда коронавирус авыруы ачыкланган

Республикада 84 мең 484 татарстанлы СОVID-19 вакцинасы белән прививка ясаткан.

Фото: Марат Мугинов

(Казан шәһәре KZN.RU, 3-нче март). Татарстанда COVID-19 белән авыруның 49 яңа очрагы теркәлгән, шуларның берсе читтән кайтарылган, калганнары контактлы. 22 кеше хастаханәгә озатылган, 27 кеше өйләрендә дәвалана.

Авыручылар арасында өч балигъ булмаган бала, 18 яшьтән 30 яшькә кадәрге 6 кеше бар, 13 кеше – 30-дан 50 яшькә кадәр, 12 кеше – 50-дән 60 яшькә кадәр, 8 кеше – 60 яшьтән 70 яшькә кадәр, 3 кеше – 70-тән 80 яшькә кадәр, ике кеше – 80 яшьтән 90 яшькә кадәр һәм аннан өлкәнрәк.

авыручыларның 25 кеше Казанда яши, 5 кеше – Норлат районында, 3 кеше – Биектау һәм Лаеш районнарында, икешәр кеше – Әлки, Баулы, Минзәлә районнарында, берәр кеше – Яр Чаллыда, Азнакай, Югары Ослан, Кайбыч, Кукмара, Түбән Кама һәм Питрәч районнарында.

3-нче мартка Татарстанда 18 мең 131 СОVID-19 белән заралану очрагы теркәлгән. Пандемиянең бөтен чорында 14 мең 783 кеше сәламәтләнде, шул исәптән 91 кеше – узган тәүлектә.

Коронавирстан 84 мең 484 кеше прививка ясаткан (тәүлек эчендә үсеш – 1775 кеше), шулардан 20 мең 385 кеше икенче доза алган. Вакциналаштырылучыларның гомуми саныннан 42% – 60 яшьтән өлкәнрәк гражданнар, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә тәүлеккә 10 мең 535 яңа авыру очрагы ачыкланган. Барлыгы илдә 4 млн 278 мең 750 кеше авырган, 3 млн 853 мең 734 кеше сәламәтләнгән, 87 мең 348 кеше үлгән.

Шулай ук укыгыз

Барлык яңалыклар