Тагын 94 казанлы коронавирус инфекциясе белән авырып киткән

<h1></h1> <div> </div> <img src="https://kzn.ru/upload/iblock/77c/DEN_7058-870.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 4 нче апрель). Узган тәүлектә Татарстанда 263 кешедә СОVID-19 авыруы табылган, шул исәптән 94 казанлыда. 45 кеше хастаханәгә озатылган. «Коронавирус» диагнозы 18 яшькә кадәрге 37 бала һәм яшүсмердә расланган. </p> <p> 4 нче апрельгә Татарстанда СОVID-19 белән авыруның 138 мең 315 очрагы теркәлгән. Пандемиянең бөтен чорында 130 мең 197 кеше сәламәтләнде, шул исәптән 63 е – узган тәүлектә, дип хәбәр итә ТР Сәламәтлек саклау министрлыгының матбугат хезмәте. </p> <p> Республикада барлыгы 2 млн 502 мең 699 кеше вакцинацияләнгән (тәүлеккә үсеш – 463 кеше), шуларның 1 млн 926 мең 25 е икенче прививка алган. Кабат вакцинацияне 285 мең 349 кеше узган. </p> <p> Федераль оператив штаб мәгълүматы буенча, Россиядә бер тәүлек эчендә 15 мең 291 авыру очрагы теркәлгән. Барлыгы илдә 17 млн 912 мең 157 очрак ачыкланган, 16 млн 997 мең 877 кеше савыккан. </p> <p> Исегезгә төшерәбез, коронавируска каршы прививканы поликлиникаларда гына түгел, ә вакцинациянең мобиль пунктларында да ясатырга мөмкин. Аларның эш тәртибе һәм адреслары <a href="https://kzn.ru/meriya/press-tsentr/novosti/mobilnye-punkty-vaktsinatsii/" target="_blank">KZN.RU порталында урнаштырылган</a>. </p>

2022-04-04T14:45:00+0300