Тагын 50 казанлы үзмәшгуль үз бизнесы үсешенә 100 мең сумга кадәр грант акчасы алачак

Тагын 50 казанлы үзмәшгуль үз бизнесы үсешенә 100 мең сумга кадәр грант акчасы алачак

<p> </p> <div class="detail-picture"> <img src="https://www.kzn.ru/upload/iblock/c64/MMB_4972.jpg_870.jpg"> <p class="detail-picture__caption"> Фото: Марат Мугинов </p> </div> <br> <p> </p> <p> (Казан шәһәре KZN.RU, 19-нчы сентябрь, Алинә Бережная). Казанда үзмәшгульләргә ярдәм итүнең <a href="http://www.kzn.ru/meriya/press-tsentr/press-relizy/granty-do-100-tys-rubley-na-razvitie-svoego-biznesa-smogut-poluchit-eshche-50-samozanyatykh-kazantse/" target="_blank">өченче этабы башлана</a>. Тагын 50 казанлы үзмәшгуль 100 мең сумга кадәр грант алачак. Моның өчен шәһәр бюджетыннан 5 млн сум акча бүленгән. Бу карар үз-үзенә эшләүчеләр фестиваленең беренче көнендә яңгырады, ул ялларда Горки-Әмәт урманында уза. </p> <p> Казан башкарма комитеты җитәкчесе урынбасары Илдар Шакиров сөйләвенчә, грант ярдәменең өченче этабын уздыру турында карарны Казан мэры Илсур Метшин үзмәшгульләрдән күпсанлы мөрәҗәгатьләр килү белән бәйле кабул итте. «Казан мэриясе муниципалитетлар арасында иң беренче булып грантлар уйнату турында карар кабул итте, үзмәшгульләр үсә алсын, яраткан эше белән шөгыльләнсен өчен. Планлаштырылган ике этап тәмамланды, иң яхшы 79 үзмәшгуль кеше ярдәм алды, без бу эшне алга таба да дәвам итәчәкбез – өченче этапта тагын 50 үзмәшгуль казанлы 100 мең сумга кадәр грант алачак», – дип белдерде И.Шакиров. </p> <p>     <img width="522" src="https://www.kzn.ru/upload/iblock/ffd/MMB_4938.jpg_870.jpg" height="392" class="img-left"> Фестивальдә беренче көнне 100-гә якын кеше катнашты, алар үз продукциясен 50 павильонда урнаштырды. CUBE үзәге янындагы яшел чирәмлектә җәелгән ярминкә мәйданчыгында теләсә нинди зәвыкка: кул сабыны, йорт өчен товарлар, азык-төлек, чәй, уенчыклар, агачтан ясалган әйберләр һәм башка бик күп нәрсәләр табарга була. </p> <p> Катнашучылар арасында – Богдановлар гаиләсе, алар как һәм чәй ясау белән шөгыльләнә. «Без бер ел элек үзмәшгуль булдык, моңа кадәр ярты ел бизнес белән интернет аша гына шөгыльләндек. Яңа статус белән сату артты, күбрәк клиентлар барлыкка килде, шулай ук үз продукциянне мондый эре фестивальләрдә күрсәтү мөмкинлеге бар», – дип сөйләде Наталья Багданова. </p> <p> Күршедә күн эшкәртү мастеры Рафаэль Хәсәнов үз продукциясен сата. Ул элек итекче булып эшләве турында сөйләде, шуңа күрә бизнес өчен дә тире белән эшләүне сайлаган. Фестивальдә ул икенче тапкыр катнаша, монда сату икеләтә тапкыр арта, ди. «Мин былтыр, нәкъ менә беренче фестиваль алдыннан узмәшгуль булып теркәлдем, ул чагында продукция шулай тиз сатылыр дип уйлый да алмадым. Фестиваль – ул акча эшләү мөмкинлеге генә түгел, яңа даими сатып алучылар табу да», – диде Р.Хәсәнов. </p> <p> <img width="522" src="https://www.kzn.ru/upload/iblock/ba6/MMB_4959.jpg_870.jpg" height="392" class="img-right"> Казан башкарма комитеты җитәкчесе урынбасары Илдар Шакиров сөйләвенчә, ярминкәнең беренче көнендә генә дә 100-гә якын кеше катнашты. «Фестиваль – үз продукцияңне сату өчен бик яхшы мәйданчык, теләге булган һәркем мондагы товарлар белән таныша ала. Үткән елда <a href="http://www.kzn.ru/meriya/press-tsentr/novosti/v-kazanskom-gorkinsko-ometevskom-lesu-prokhodit-festival-samozanyatykh/" target="_blank">чараның мондый форматы</a> үзен яхшы яктан күрсәтте, шуңа күрә без быел да шундый ук фестивальне оештырырга булдык», – дип сөйләде И.Шакиров. Ул шулай ук билгеләп үткәнчә, ел саен Казанда үзмәшгульләр саны арта – узган ел алар 7 мең булган, ә быел инде 26 мең. </p> <p> Шушында ук Горки-Әмәт урманының “Йорт” экоүзәгендә үзмәшгульләр өчен форум уза. Төп темалар арасында – ярдәм итү чаралары, электрон сәүдә мәйданчыкларында эшләү, кредит оешмалары һәм контроль-күзәтчелек органнары белән үзара эш итү, үзмәшгульләр эшчәнлегенең норматив-хокукый чикләнүе. </p> <p> <img width="522" src="https://www.kzn.ru/upload/iblock/027/MMB_4930.jpg_870.jpg" height="391" class="img-left"> Фестиваль кунакларын Татарстан Республикасы икътисад министрының беренче урынбасары – Эшкуарлыкны һәм конкуренцияне үстерү департаменты директоры Рөстәм Сибгатуллин сәламләде. Ул ассызыклаганча, бүген үз-үзләрен тәэмин итүчеләр икътисади өлкәдә үз урыннарын били. «Үзмәшгульләр – ул үз куллары белән нидер эшләп акча эшли белә торган кешеләр категориясе. Һәм дәүләтебез узган ел дөрес карар кабул итте – салым салу режимын булдыру, ул барлык мавыгучыларга дәүләт белән намуслы мөнәсәбәтләр алып барырга, акча эшләргә һәм хезмәт күрсәтергә мөмкинлек бирә», – диде Р.Сибгатуллин. </p> <p> <a href="http://www.kzn.ru/meriya/press-tsentr/novosti/i-metshin-24-tys-samozanyatykh-eto-sereznaya-armiya-aktivnykh-lyudey-my-budem-ikh-sistemno-podderzhi/" target="_blank">Аларга грант ярдәме бик зур терәк.</a> Исегезгә төшерәбез, күптән түгел 79 казанлы 7,7 миллион сумлык грант алды. Алынган акчалар товарларның сыйфатын яхшыртырга, җитештерелә торган продукция күләмен арттырырга, ассортиментны киңәйтергә мөмкинлек бирәчәк.  </p> <p> Грант ярдәменең өченче этабында катнашу өчен гаризалар 15-нче октябрьгә кадәр кабул ителәчәк. Дәгъвачылар 2020 елның 1-нче маена яшәү урыны буларак Казанда теркәлергә, 3 айдан да ким булмаган үзмәшгульлек статусы,  5 мең сумнан да ким булмаган күләмдә түләнгән Профессиональ керемгә салымга ия булырга, моннан тыш, катнашучы шәхси эшмәкәр, банкрот булмаска һәм салым бурычына ия булмаска тиеш. </p> <p> Фестиваль иртәгә дә дәвам итәчәк. Килүчеләр өчен керү – бушлай. </p> <p>   </p>

2020-09-19T15:13:31+0300