Электрон хезмәт кенәгәләре дәүләт хезмәтләренең бердәм порталында урнаштырылачак

1-нче гыйнвардан Россиядә электрон хезмәт кенәгәләрен кертү турындагы закон үз көченә керде.

(Казан шәһәре KZN.RU, 21-нче апрель). Электрон рәвештә хезмәт эшчәнлеге турында мәгълүматны дәүләт хезмәтләренең бердәм порталында шәхси кабинетта алырга мөмкин булачак. Республика халкының бер өлеше электрон хезмәт кенәгәләренә инде күчте, аларның мәгълүматы гражданнарның шәхси кабинетына күчерелә.

Эшкә кабул итү, яңа вазыйфага күчү һәм эштән китү турындагы мәгълүматны физик затлар электрон хезмәт кенәгәләренә күчкәндә генә порталдан ала алачак. Шуннан соң эш бирүче билгеләнгән тәртиптә гражданнарның хезмәт эшчәнлеге турында белешмәләр формасын (СЗВ-ТД формасы) Россия Пенсия фондына бирергә тиеш.

Электрон форматка күчкәнче хезмәт кенәгәсенә кертелгән мәгълүматлар шәхси кабинетта чагылдырылмый, дип хәбәр итә ТР Дәүләт идарәсенең цифрлы үсеш, мәгълүмати технологияләр һәм элемтә министрлыгының матбугат хезмәте.

Исегезгә төшерәбез, 1-нче гыйнвардан Россиядә электрон хезмәт кенәгәләрен кертү турындагы закон үз көченә керде. Эш бирүчеләр РФ Пенсия фондына хезмәткәрләрне эшкә алу, башка даими эшкә күчерү, эштән чыгару, тиешле белдерүләр бирү турындагы мәгълүматларны электрон рәвештә бирә.

Эшче 2020 ел дәвамында әлеге документның кәгазь һәм электрон версиясен сайларга хокуклы. 2021 елдан башлап эшкә беренче тапкыр урнаштырылган һәркемнең хезмәт эшчәнлеге турындагы белешмәләре кәгазь хезмәт кенәгәсен рәсмиләштермичә генә электрон рәвештә алып барылачак.

Шулай ук укыгыз

Барлык яңалыклар