Казан белән Йошкар-Ола арасындагы электричкалар ел әйләнәсе йөриячәк

Элегрәк маршрут сезонлы булган һәм апрельдән октябрьгә кадәр генә билгеләнгән.

Фото: Денис Гордийко

(Казан шәһәре KZN.RU, 28 нче февраль). 3 нче марттан Казан – Йошкар-Ола – Казан юнәлешендәге шәһәр яны поездлары, сезонга карамастан, ел әйләнәсе йөриячәк. Бу пассажирларга хезмәт күрсәтү сыйфатын яхшыртырга мөмкинлек бирәчәк.

Казаннан Марий Эл башкаласына электричка җомга, шимбә һәм якшәмбе көннәрендә 14:18 сәгатьтә китәчәк, Йошкар-Олага килү 17:45 сәгатьтә көтелә.

Кире юнәлештә состав шимбә, якшәмбе һәм дүшәмбе көннәрендә 7:43 сәгатьтә китәчәк. Татарстан башкаласына шәһәр яны поезды 11:07 сәгатьтә киләчәк.

Горький тимер юлы – «Россия тимер юллары» ААҖ филиалы матбугат хезмәте хәбәр иткәнчә, элегрәк Казан – Йошкар-Ола – Казан электричкалары сезонлы булган һәм апрельдән октябрьгә кадәр генә йөргән. Маршрутка ихтыяҗ булу сәбәпле, аны ел әйләнәсе йөри торган итеп ясарга карар кылынган.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар