ТР буенча Росреестр һәм Кадастр палатасы экспертлары казанлыларга күчемсез милекне рәсмиләштерү мәсьәләләре буенча консультацияләр бирәчәкләр

Ярдәм сорап «Игелекле эшләр көне» хәйрия фонды карамагындагылар мөрәҗәгать итә ала.

(Казан шәһәре KZN.RU, 21-нче февраль). 26-нчы февраль көнне Татарстан Республикасы буенча Росреестр идарәсе һәм Кадастр палатасы экспертлары шәһәрлеләр өчен күчемсез милекне рәсмиләштерү сораулары буенча консультация үткәрәчәк. Ярдәмне «Игелекле эшләр көне» хәйрия фондына ярдәм сорап мөрәҗәгать иткән шәһәр халкы ала алачак.

Чара 10.00 сәгатьтән 12.00 сәгатькә кадәр түбәндәге адрес буенча узачак: Калинин ур., 3 («Яхшы куллар» склады). Түләүсез юридик консультация алу өчен 8(843)236-65-61 телефоны буенча алдан язылырга кирәк.

Татарстан башкаласында мондый консультацияләр ай саен уза, дип хәбәр итә Татарстан Росреестры матбугат хезмәте. Шулай ук күчемсез милекне рәсмиләштерү белән бәйле барлык сораулар буенча Росреестр колл-үзәгенең бердәм түләүсез белешмә телефоны буенча да мәгълүмат алырга мөмкин: 8(800)100-34-34.

Шулай ук укыгыз

Барлык яңалыклар