Казан Кремле музейларында өлкән яшьтәгеләр өчен экскурсияләр, иҗади дәресләр һәм интеллектуаль уеннар узачак

Пенсионерлар әлеге чараларга 1-нче октябрьдән 10-нчы октябрьгә кадәр бушлай килә алачак.

Фото: Денис Гордийко

(Казан шәһәре KZN.RU, 30-нчы сентябрь). «Казан Кремле» Музей-тыюлыгында өлкән яшьтәгеләр өчен экскурсияләр, иҗади дәресләр һәм интеллектуаль уеннар узачак. Пенсионерлар аларга 1-нче октябрьдән 10-нчы октябрьгә кадәр бушлай килә алачак.

Шулай итеп, 1-нче октябрь көнне 10.00 сәгатьтә Казан Кремле буйлап җәяүле экскурсия башлана (язылу өчен телефон: +7(843)567-81-42). Шулай ук 10.00 сәгатьтә ТР һәм татар халкы дәүләтчелеге тарихы музее буенча начар ишетүчеләр өчен ишарәләр теленә тәрҗемә белән экскурсия узачак (яылу өчен телефоннар: +7(843)567-80-24, +7(843)567-80-29). 11.00 сәгатьтә өлкәннәрне «Матисс Пикассо. Шагал. Дәүләт Эрмитажы тупланмасында 1910-1940 еллар Көнбатыш Европа сәнгате» (язылу өчен телефон: +7(843)567-80-34) күргәзмәсе буенча экскурсиядә көтәләр. 13.00 сәгатьтә Татарстан Республикасы табигый тарих музеенда «Кошлар. Камиллек технологиясе» (язылу өчен телефон: +7(843)567-80-36) күргәзмәсе буенча экскурсия узачак. Шул ук вакытта музей буенча күзәтү экскурсиясе башлана (язылу өчен телефон: +7(843)567-80-36). 14.00 сәгатьтә Ислам мәдәнияте музее экспозициясе буенча экскурсия башлана (язылу өчен телефон: +7(843)567-81-64).

1-нче һәм 3-нче октябрь 15.00 сәгатьтә пенсионерларны Благовещенск соборы тарихы музее экспозициясе буенча экскурсиягә чакыралар (язылу өчен телефон: +7(843)567-81-62).

6-нчы октябрь 15.00 сәгатьтә «Манеж» күргәзмә залы буенча узачак экскурсиядә «Мәхәббәт һәм илһам чыганагы» экспозициясе белән танышырга мөмкин булачак (язылу өчен телефон: +7(843)567-80-67).

7-нче октябрь көнне 11.00 сәгатьтә Богородицкий монастыре буйлап экскурсия (язылу өчен телефон: +7(843)567-81-62), ә 13.00 сәгатьтә Пушечный двор музеенда «Пейп-арт» иҗат дәресләре оештырылачак (язылу өчен телефон: +7(843) 567-81-60).

9-нчы октябрь көнне 11.00 сәгатьтә теләүчеләрне Благовещение соборы буенча «Гыйбадәтханәдә бар да серле һәм мөһим» дип аталган экскурсиядә көтәләр (язылу өчен телефон: +7(843)567-81-62), ә 17.00 сәгатьтә «БАШнаБАШ» интеллектуаль уены узачак (язылу өчен телефон: +7(843)567-80-24).

Өлкәннәр декадасы Казан Кремлендә 10-нчы октябрь 11.00 сәгатьтә «Матисс. Пикассо. Шагал. 1910-1940 еллардагы Көнбатыш Европа сәнгате Дәүләт Эрмитажы җыелмасында» күргәзмәсе буйлап экскурсия белән тәмамланачак (язылу өчен телефон: + 7(843)567-80-34).

Барлык чаралар - бушлай, әмма һәркайсына алдан язылырга кирәк. Керү - пенсия таныклыгы яки паспорт буенча. Үзең белән сулыш органнарын саклау чараларын алырга кирәк, дип хәбәр итә музей-тыюлыкның матбугат хезмәте.

Исегезгә төшерәбез, 1-нче октябрьдә Казанда Халыкара өлкәннәр көненә багышланган өлкәннәр декадасы старт ала. Пенсионерлар спорт ярышларында, мастер-классларда катнаша, бушлай мунча, музейларда, экскурсияләрдә һәм концертларда була алачак. Шәһәрнең барлык районнарында социаль-көнкүреш, психологик һәм башка ярдәм күрсәтү буенча хәйрия чаралары һәм акцияләр узачак, шулай ук кайнар линияләр эшләячәк. Чаралар программасы белән сылтама буенча танышырга мөмкин.

Шулай ук укыгыз

Барлык яңалыклар