«Синең яшел гадәтләрең» эко-бәйрәме: мастер-класслар, агач утырту һәм экодәресләр

Казанлыларны «Елмай» балалар паркына бәйрәмгә чакыралар

26 июльдә «Елмай» балалар паркында «Синең яшел гадәтләрең» интерактив эко бәйрәме була. Кунакларны экологик гадәтләр булдыруга юнәлдерелгән төрле тематик мәйданнар һәм активлыклар көтә, дип хәбәр ителә җәмәгать киңлегенең телеграм-каналында.

Бәйрәм мәйданчыкларында теләгән һәр кеше мавыктыргыч мастер-классларда катнаша ала: эшкәртелгән поликарбонаттан брелоклар ясый, шулай ук үсемлекләр һәм агачлар утырта ала. Экология, эшкәртү һәм тотрыклы яшәү рәвеше турындагы белемнәрегезне интерактив станциядә тикшереп булачак.

Якты хатирәләр булдыру өчен фотосурәткә төшү зонасы һәм арт-объект эшләячәк. Инжекторлы велошредер үзенчәлекләрнең берсе булачак, анда һәркем пластикны мөстәкыйль эшкәртә һәм икенчел чималдан брелок бүләк итә алачак.

Ачык лекторий кысаларында 18:00 сәгатьтә «Пластикның икенче тормышы» экодәресе узачак. СТС kids алып баручысы һәм танылган блогер Анастасия Князева әйберләрне эшкәртү һәм аларны алга таба файдалы куллану турында кызыклы фактлар белән уртаклашачак.

Чара «Казаноргсинтез» ширкәте тарафыннан оештырылган, 15:00 сәгатьтә башлана.

Шулай ук укыгыз

Барлык яңалыклар