Экологлар казанлыларга үрнәк күрсәтте һәм велосипедларга күчеп утырды

Бөтендөнья автомбильсыз көн алдыннан узган йөрү Н.Ершов урамыннан Павлюхин урамына кадәр узды.

(Казан шәһәре KZN.RU, 21-нче сентябрь). ТР Экология һәм табигать ресурслары министрлыгы хезмәткәрләре бүген, 21 сентябрьдә, Бөтендөнья автомбильсез көн алдыннан шәһәр буенча велоузыш уздырдылар. Алар үз мисалларында казанлыларны иртәгә узачак акциягә кушылырга чакырды.

Үзәк территориаль идарә инспекторлары шәхси автомобильләрдән, җәмәгать транспортыннан баш тарттылар һәм велосипедларга күчеп утырдылар. Н.Ершов урамыннан министрлыкның Павлюхин ур., 75 йортта урнашкан бинасына кадәр 20-гә якын кеше йөреп үтте.

Акциядә катнашучылар мондый йөрешләрне даими рәвештә уздырырга чакыралар, чөнки бу табигатькә сакчыл мөнәсәбәт кенә түгел, ә сәламәт яшәү рәвеше принципларын үтәү мөмкинлеге дә булып тора, дип хәбәр итә ТР Экология һәм табигать ресурслары министрлыгы матбугат хезмәте.

Бөтендөнья автомбильсыз көн ел саен 22 сентябрьдә үтә. Беренче тапкыр мондый акцияләрне даими рәвештә уздыру фикерен 1994 елда “International Ciudades Accesibles” конференцияседә Эрик Бриттон белдерде. Шуннан соң ике ел дәвамында алар Рейкьявикта (Исландия), Батеда (Сомерсет, Бөек Британия) һәм Ля Рошелида (Франция) узды. Беренче милли кампания 1997 елда Бөек Британиядә үтә. Россиядә Автомбильсыз көн беренче тапкыр Белгородта 2005 елда үтә. 2013 елда акциягә Мәскәү һәм Казан кушыла.

Татарстан башкаласында шәһәр акциясе иртәгә, 22 сентябрьдә, Г.Камал ис. театр янында үтә. Йөрештә барлык теләүчеләр дә катнаша ала, ләкин моның өчен шәхси велосипед булу кирәк. Катнашу өчен “Чиста булачак!” яшьләр экологик хәрәкәтенең социаль челтәрләрдәге битендә теркәлергә кирәк.

Шулай ук укыгыз

Барлык яңалыклар