Е.Лодвигова: «Җирле хакимият органнары барлык халыкка тигез мөмкинлекләр һәм шартлар тудыру бурычы белән берләшкән»

Е.Лодвигова: «Җирле хакимият органнары барлык халыкка тигез мөмкинлекләр һәм шартлар тудыру бурычы белән берләшкән»

<p> <img src="https://www.kzn.ru/upload/iblock/63b/MMB_2174.jpg"> </p> <div class="detail-picture"> <p class="detail-picture__caption"> Фото: Марат Мугинов </p> </div> (Казан шәһәре KZN.RU, 13-нче ноябрь, Алена Мирошниченко). Казан вице-мэры Евгения Лодвигова кичә җирле демократия буенча глобаль обсерваториянең (GOLD VI) VI докладын әзерләүгә багышланган «Берләшкән шәһәрләр һәм җирле хакимият» бөтендөнья оешмасының Башкарма бюросы утырышында катнашты. Чара Кытайның Гуанчжоу шәһәрендә «Берләшкән шәһәрләр һәм җирле хакимият» Бөтендөнья советы кысаларында узды, Казан муниципаль берәмлеге башлыгы урынбасары монда онлайн режимда түгәрәк өстәлдә чыгыш ясады. <p> </p> <p> Берләшкән шәһәрләр һәм җирле хакимият бу докладны әзерли башлый. Ул шәһәрләрдә һәм төбәкләрдә тигезсезлеккә каршы көрәштә җирле һәм төбәк хакимиятләренең роленә багышланачак (Тотрыклы үсеш максаты №10). Анда шәһәрләрдә һәм төбәкләрдә тигезсезлекнең төрле аспектларын гомумиләштерү, социаль, икътисадый һәм сәяси тигезсезлекне киметү тәҗрибәсен өйрәнү, бу өлкәдә җирле хакимият эшчәнлеге мисалларын тәкъдим итү планлаштырыла. Докладны әзерләүдә төрле учреждениеләрдән, җирле үзидарә органнарыннан, бөтен дөньядан фәнни институтлардан экспертлар катнаша. Доклад БШҖХ Бөтендөнья конгрессы барышында 2022 елда тәкъдим ителәчәк. </p> <p> Тигезлек принцибы нәкъ бер ел элек кабул ителгән Дурбан декларациясе нигезендә ята, дип искәртте Евгения Лодвигова үз чыгышында. «Бүген, тигезсезлек проблемасын кискенләштергән COVID-19 пандемиясе чорында тигез һәм инклюзив мохит булдыру һәм тәэмин итү мәсьәләләре алгы планга чыга. Берничә ай дәвамында безне чолгап алган дөнья тамырдан үзгәрде. Без өр-яңа һәм барыбыз өчен дә куркыныч булган чынбарлык белән очраштык. Вирус таралуга бәйле чикләүләр шәһәр икътисадында чагылды, безне үсеш программаларын яңадан карарга, шәһәр идарәсен һәм халык белән аралашуны яңа чынбарлыкка оператив рәвештә җайлаштырырга мәҗбүр итте. Бу вәзгыятьтә шәһәр халкының иминлеген тәэмин итү һәм сәламәтлеге турында кайгырту безнең өчен төп бурыч булды», – дип ассызыклады ул. </p> <p> «Җирле үзидарәнең, кешеләргә иң якын хакимият төренең, җаваплылык өлкәсе бик зур. Җирле хакимият органнарын территориаль бүленешкә карамастан төп бурыч берләштерде – җирле үзидарәнең нәтиҗәлелеген тәэмин итү, хокукый һәм финанс каршылыкларын бетерү, барлык халык өчен тигез мөмкинлекләр һәм шартлар тудыру», – дип билгеләп үтте Казан вице-мэры. </p> <p> Катлаулы тормыш хәлендә калган кешеләрнең проблемаларын хәл итүдә һәм шәһәр халкының социаль хәлен формалаштыруда актив тормыш позициясе булган кешеләр, волонтерлар, коммерциягә корылмаган оешмалар зур роль уйный. Җәмгыятьнең бөтенлеге һәм бердәмлеге халыкның төрле төркемнәренең бер-берсенә ярдәм итәргә әзер булуы белән билгеләнә, диде спикер. </p> <p> «Моннан тыш, гадел, инклюзив мохит – уңайлы шәһәр киңлегенең төп өлеше дә. Шәһәр мохитенең уңайлыгы, беренче чиратта, халыкның якланмаган төркемнәре ихтыяҗларына туры килергә тиеш, аларның шәһәр мохите сыйфатына таләпләре күбрәк: бу балалар, өлкәннәр, мөмкинлекләре чикләнгән кешеләр. Тиз баручы урбанизация бездән куркынычсыз иҗтимагый киңлекләр булдыруны таләп итә, анда теләсә кайсы вакытта җенесенә, яшенә, милләтенә карамастан һәркемгә бертөрле уңайлы булырга тиеш», – дип ассызыклады Казан вице-мэры. </p> <p> Аның фикеренчә, җирле демократия буенча глобаль обсерваториянең VI докладын әзерләүдә халыкара оешмалар да, шул исәптән БМО-Хабитат та катнашырга тиеш. Ул UNACLA һәм аның әгъзалары шулай ук эшкә кушылачак дип ышандырды. </p> <p> «Шуңа бәйле рәвештә БГҖХны тигезсезлеккә каршы көрәш буенча иң яхшы дөнья практикалары җыю һәм алмашу өчен мәйданчык итү мөһим дип саныйм. Шул ук вакытта шәһәрләрдә һәм төбәкләрдә тигезсезлекнең төрле аспектларын карарга һәм анализларга, социаль, икътисадый һәм сәяси тигезсезлекне киметү буенча дөнья тәҗрибәсен өйрәнергә, бу өлкәдә җирле хакимият эшчәнлегенең конкрет мисалларын тәкъдим итәргә кирәк. Әлеге тәҗрибәне гомумиләштерү нигезендә бөтен дөнья буйлап җирле һәм төбәк хакимиятләре вәкилләре өчен укыту программалары эшләргә һәм уздырырга кирәк», – диде Е.Лодвигова. </p> <p> Яңа чынбарлык элек эшләнгән тотрыклы үсеш программаларына үзгәрешләр кертергә мәҗбүр итә, дип билгеләп үтте Татарстан башкаласы вице-мэры. «Безнең бурычлар уртак – без шәһәрләрне төзек, уңайлы, имин һәм яхшы итеп күрергә телибез. Яшәргә, укырга, эшләргә һәм иҗат итәргә теләгән һәркем өчен тигез мөмкинлекләре булган шәһәрләр белән», – дип йомгаклады ул. </p> <p> Түгәрәк өстәлдә шулай ук «Берләшкән шәһәрләр һәм җирле хакимият» президенты, Марокко муниципалитетлары ассоциациясе президенты, Эль-Хосейма Мэры Мөхәммәд Будра, Барселона мэры (Испания), Берләшкән шәһәрләр һәм җирле хакимиятнең махсус илчесе Ада Колау, Сория (Испания) мэры, Берләшкән шәһәрләр һәм җирле хакимиятнең Яңа үсеш программасы мәсьәләләре буенча Президиумының илчесе Карлос Мартинес, шулай ук Берләшкән шәһәрләр һәм җирле хакимиятнең сопрезидентлары: Сан-Хосе (Коста-Рика) мэры Джонни Арайя, Конья (Төркия) мэры Угур Ибраһим Алтай, Гаага мэры, Нидерланд муниципалитетлары ассоциациясе президенты Янни Арайя, Ван занен, сианя (Кытай) мэры ли Минъюань, Полокван мэры, Көньяк Африканың җирле хакимиятләр ассоциациясе президенты Тембисиле Нкадименг. </p> <p>   </p>

2020-11-13T09:28:00+0300