Казанда 22 апрельдә ике вакансияләр ярминкәсе узачак

Эш урыннарын Авиатөзелеш һәм Киров районнары халкына тәкъдим итәчәкләр.

Фото: Марат Мугинов

(Казан шәһәре KZN.RU, 21-нче апрель). 22-нче апрельдә Казанда Авиатөзелеш һәм Киров районында ике вакансия ярминкәсе узачак. Ирекле эш урыннары һәм яңадан укыту программалары турында барлык эшсезләр дә белә ала.

Киров районы мәшгульлек үзәгендә вакансияләр мини-ярминкәсе 9:00 сәгатьтән 11:00 сәгатькә кадәр Бистә урамы, 23 адресы буенча узачак. Анда «Эгида+» һәм «Надир» компанияләре, Казан дары заводы, «Шәһәр төзекләндерү» муниципаль унитар предприятиесе, 45-нче номерлы балалар бакчасы вәкилләре катнашачак. Өстәмә мәгълүматны түбәндәге телефон буенча алырга мөмкин: +7(843)554-77-64.

Хәрби вәкиллек катнашында эш бирүче көне 1 нче Муром урамы, 33а адресы буенча Авиатөзелеш районы халыкны эш белән тәэмин итү үзәгендә узачак. 10:00 сәгатьтән 12:00 сәгатькә кадәр казанлылар контракт буенча хезмәт итүгә җыю турында мәгълүмат алып кына калмыйча, хезмәт һәм мәшгульлек, һөнәри белем бирү һәм яңадан укыту мәсьәләләре буенча консультация дә алачак, шәһәр предприятиеләрендә вакансияләр турында мәшгульлек хезмәте мәгълүматлары базасыннан белә алачак. Белешмәләр өчен телефон: +7(843)570-97-10.

Вакансияләр ярминкәләренә керү һәм күрсәтелүче барлык хезмәтләр – бушлай, дип искә төшерәләр Казан халкын эш белән тәэмин итү үзәгендә.

Шулай ук укыгыз

Барлык яңалыклар