Казанның ике спорт мәктәбе хатын-кызлар футболы үсешенә 1 млн сум грант отты

Конкурска Россиянең 26 төбәгеннән 36 гариза килгән.

Фото: Денис Гордийко

(Казан шәһәре KZN.RU, 3-нче декабрь). Казанда ике учреждение – Вахитов районының олимпия резервы спорт мәктәбе һәм «Мирас» футбол буенча спорт мәктәбе – хатын-кызлар футболы үсешенә 1 млн сум грант оттылар.

Гомумән алганда, Россия футбол берлегеннән Мәскәү, Алтай, Ставрополь крайларыннан, Брянск, Волгоград, Иркутск, Кемерово, Новосибирск, Самара, Сахалин, Ульяновск өлкәләреннән, Карачай-Черкес, Чуаш республикаларыннан, Бурятия һәм Карелиядән, Краснодар, Ставрополь крайларыннан 20 мәктәп ярдәм алачак.

Конкурс FIFA һәм «Р.А. Фонд» дип аталган социаль-мәдәни, хәйрия, фәнни һәм белем бирү проектларын үстерү һәм аларга ярдәм итү фонды ярдәме белән үткәрелә. Анда катнашуга Россиянең 26 төбәгендә кызларны футболга тарту өстендә эшләүче спорт оешмаларыннан 36 гариза кергән. Бу балалар өчен футбол үзәге статусына ия, хәзерге вакытта кимендә 50 кыз әзерлек узучы спорт мәктәпләре.

Җиңүчеләр әлеге грант акчаларын тәрбияләнүчеләр санын арттыруга, аларны инвентарь һәм экипировка белән тәэмин итүгә, шулай ук кызлар белән эшләүче тренерларга ярдәм итүгә тота алачак, дип хәбәр ителә Россия футбол берлеге сайтында.

Шулай ук укыгыз

Барлык яңалыклар