ТР башкаласыннан Курск өлкәсенә «Нәфис» фондыннан ике фура белән гуманитар ярдәм илтеп тапшырылган

Бу 7 млн сумнан артык суммага 34,4 тонна авырлыктагы продукция

Бүген Казаннан хәйрия йөкләре белән ике фура Курск шәһәренә гуманитар ярдәм складларына килде. «Нәфис» фонды гомуми авырлыгы 34,4 тонна булган 7 млн сумнан артык суммага 23323 берәмлек продукция тапшырган. Ярдәм составына көнкүреш химиясе: кер юу порошоклары, коры чистарту чаралары, савыт-саба юу сыеклыклары, каты һәм сыек сабын кергән.

«Бу җибәрү – зыян күргән төбәкләргә һәм авыр тормыш хәлендә калган халыкка ярдәм итү буенча системалы эшебезне дәвам итү. Без гигиенаның база предметларының гадәттән тыш хәлләрдә кешеләр өчен бик мөһим булуын беләбез. Безнең ярдәм зыян күргән гаиләләргә, мәктәпләргә, хастаханәләргә һәм башка социаль объектларга хәлне яхшыртырга ярдәм итәр дип өметләнәбез», – дип билгеләп үтте «Нәфис» ХФның гамәлгә куючысы, РФ Дәүләт Думасы депутаты Ирек Богуславский.

Исегезгә төшерәбез, 2014 елдан аның инициативасы белән комплекслы программа эшләп килә, аның кысаларында Россия Федерациясенең яңа кушылган төбәкләренә, зыян күргән чик буе өлкәләренә, шулай ук эвакуацияләнгән кешеләргә даими рәвештә гуманитар ярдәм китерелә. Барлыгы беренчел кирәк-ярак товарлары белән 41 фура җибәрелгән, шулардан 37 йөк машинасы – махсус хәрби операция башланганнан соң. Яңа җибәрүне исәпкә алып, гуманитар ярдәмнең гомуми авырлыгы – 750 тонна тирәсе. Йөкнең төп өлешен «Нәфис Косметикс» компаниясе җитештергән көнкүреш химиясе тәшкил итә, дип хәбәр иттеләр фонд матбугат хезмәтендә.

Шулай ук укыгыз

Барлык яңалыклар