Ике казанлы мошенник гамәлләреннән зыян күргән

Хатын-кыз үзен тикшерүче дип таныштырган һәм ришвәт бирүләрен сораган.

Фото: Марат Мугинов

(Казан шәһәре KZN.RU, 27-нче октябрь). Бер көн эчендә мошенник ике казанлыдан 450 мең сум күләмендә акча алган. Ул үз корбаннарына телефон аша шалтыраткан, үзен тикшерүче дип таныштырган һәм ришвәт бирүләрен сораган. РФ Җинаять кодексының 159 маддәсенең 2 өлешендә каралган җинаять составы билгеләре буенча җинаять эше кузгатылган.

«Савиново» полиция бүлегенә Казанда яшәүче 76 яшьлек хатын-кыз мөрәҗәгать иткән. Башта аңа хатын-кыз шалтыраткан, ул аңа кызы шалтырата дип уйлаган, ул олы яшьтәге хатынга юл-транспорт һәлакәтенә эләгүе һәм хастаханәдә булуы турында сөйләгән. Хәзер аңа янәсе штраф түләргә, һәм тикшерүче белән сөйләшергә кирәк.

Аннары пенсионерга үзен тикшерүче Ирина Фролова дип таныштырган икенче бер хатын-кыз шалтыраткан. Ул аның кызына карата җинаять эшен туктату өчен ришвәт бирүен сорый һәм курьер аша 50 мең сум бирергә кирәклеген әйтә. Зыян күрүче шулай эшли дә, ә курьер белән очрашканнан соң кызына шалтырата – ул командировкада була һәм авариягә эләкмәгән булып чыга.

Шул ук көнне «Мәскәү» полиция бүлегенә шундый ук гариза белән ир-ат мөрәҗәгать иткән. Ул да ниндидер Ирина Фролованың мошенниклык гамәлләреннән зыян күргән, ул аннан 400 мең сум акча алдалап алган.

Хәзер әлеге җинаятьләрне кылуга катнашы булганнарны ачыклау буенча тикшерү һәм оператив-эзләү чаралары үткәрелә, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Шулай ук укыгыз

Барлык яңалыклар