Республика балалар клиник хастаханәсе озак вакытлы дәвалануда булган пациентлар өчен егерме биш планшет алды

Техника балаларга дистанцион белем алу өчен кирәк.

(Казан шәһәре KZN.RU, 4-нче июнь). Республика балалар клиник хастаханәсе озак вакытлы дәвалануда булган пациентлар өчен 25 планшет алды. Техника балаларга дистанцион белем алу өчен кирәк.

Халыкара балаларны яклау көненә «Нәфис» компаниясеннән 450 мең сумга якын суммага бүләк тапшырылган, дип хәбәр итә оешманың матбугат хезмәте.

Исегезгә төшерәбез, соңгы ике айда компания Татарстанның 160 медицина учреждениесенә һәм үзизоляция режимында Казан тулай торакларында калган 8 мең КФУ чит ил студентына азык-төлек продуктлары һәм көнкүреш химиясе бүләк итте.

Татарстанда шулай ук «Ярдәм янәшә! Помощь рядом!» ирекле хәрәкәте көчәя бара Активистлар арасында - 60 меңнән артык волонтерлар, хәйриячеләр, коммерциягә нигезләнмәгән оешмалар, эре предприятиеләр, кече бизнес вәкилләре һәм республиканың йөзләгән битараф булмаган кешеләре. Уртак тырышлык белән активистлар коронавирус инфекциясе пандемиясе шартларында авыр тормыш хәлендә калучыларга ярдәм күрсәтә. Мәсәлән, «Татнефть» компаниясе медицина персоналы өчен шәхси саклану чараларын җитештерә башлады. Республика табибларына үз продукциясен «Азбука сыра» компаниясе дә җибәрде. KazanExpress компаниясе мохтаҗ өлкәннәргә 10 мең азык-төлек җыелмасын илтеп җиткерү инициативасы белән чыкты. 29-нчы апрельдән Татарстанда ярдәмгә мохтаҗ 55 мең республика кешесе өчен азык-төлек җыелмаларын бушату эшләре башланды.

Шулай ук укыгыз

Барлык яңалыклар