«Тормыш агачы»: Казанның Горький исемендәге паркында башкорт мәдәнияте бәйрәме узды

«Тормыш агачы»: Казанның Горький исемендәге паркында башкорт мәдәнияте бәйрәме узды

<p> </p> <div class="detail-picture"> <img src="https://kzn.ru/upload/iblock/b9e/b9e42b87b9979c2da62e5d776a3024c8.jpg"> <p class="detail-picture__caption"> Фото: Марат Мөгыйнов  </p> </div> <p> (Казан шәһәре KZN.RU, 6 нчы июль, Татьяна Марюхова). Казанның Горький исемендәге паркында башкорт мәдәнияте бәйрәме узды. Анда иҗади коллективлар, музыкантлар, диджейлар, һөнәрчеләр һәм шәһәр халкы җыелды. Быел «Тормыш агачы» проектының беренче кичәсенең ничек узганы турында KZN.RU портал материалында укырга мөмкин. </p> <h3> «Без үзебезнең уртаклыгыбыз һәм аермаларыбыз турында күбрәк беләчәкбез» </h3> <p> Казан Башкарма комитетының Мәдәният идарәсе башлыгы Азат Абзалов бу фестивальнең Идел буе халыклары мәдәниятен ачу мөмкинлеге бирүен әйтте. Алда тагын ике тематик бәйрәм рус һәм татар халыклары мәдәнияте турында сөйләячәк. Ә проект быел «Халыклар йолдызлыгы» чарасы белән тәмамланачак, анда Татарстанның җиде төп халкы вәкилләре җыелачак.  </p> <p> <img width="522" src="https://kzn.ru/upload/iblock/2d5/2d50eb41bbf060fa0e2554301e07e765.jpg" height="392" class="img-left"> «Һәр тематик көн безнең уртак тамырларыбызны, безне бәйләгән нәрсәләрне ача. Күп халыкларның уртак традицияләре бар, алар бер-берсеннән аерылып торалар – бу чараның бөтен матурлыгы. Без уртаклыкны һәм аермаларыбызны күбрәк беләчәкбез. Мәсәлән, һәр халыкның үз табышмаклары һәм әкиятләре, төрле биюләре һәм җырлары бар, әмма алар нигездә Ватанга һәм халыкка мәхәббәт турында – бу бик мөһим», - дип уртаклашты ул.  </p> <p> Әлеге идея турында узган ел җәмәгатьчелек белән киң фикер алышу булды. Мәдәниятнең барлык элементларын колачлау өчен һәр халыкны тематик бәйрәм аша ачу турында карар кабул ителде. Шулай итеп, проектның беренче сезонында казанлыларны һәм ТР башкаласы кунакларын мари, удмурт, чуаш, фин-угор, төрки һәм мордва милләтләре белән таныштырдылар.  </p> <h3> Бәйрәм мәйданчыклары: балалар өчен квест, бизәнү әйберләре ясау, агач савыт-сабага бизәк төшерү, киез басу һәм чигү буенча мастер-класслар </h3> <p> <img width="522" src="https://kzn.ru/upload/iblock/26a/26abfa60e3803c8f86daa4d803608886.jpg" height="392" class="img-right"> Чарада катнашучылар аланга җыелдылар, анда мастер-класслар белән утраулар, ә парк периметры буенча яшь шәһәрлеләр өчен квест станциясе урнашкан. Бәйрәмгә килүчеләр башкорт орнаменты белән милли күкрәк бизәкләре ясый, агач савыт-сабага бизәк төшерә, киез баса, чигә алды.  </p> <p> «Урман серләре» квестында барлык теләүчеләргә әкият персонажлары Татарстан территориясендә яшәүче халыкларның төрле үзенчәлекләре турында сөйләделәр. «Әкият аланы» мәйданчыгында яшь кунакларны халык әкиятләре белән таныштырдылар, ә «Балачак аланы»нда алар балыкларның исемнәрен башкорт телендә өйрәнделәр.  </p> <p> Моннан тыш, паркта милли костюмнар, бизәнү әйберләре, декоратив-кулланма сәнгать әйберләре, кубыз һәм курайның халык музыка кораллары күргәзмәсе узды. Теләге булган һәркем уен коралларында уйный, шулай ук халык мәкальләре һәм башкорт уеннары турында белә алды.  </p> <h3> Фольклор ансамбльләре һәм башкорт курайчысы чыгышы, бию буенча мастер-класс – кичәнең төп сәхнәсендә нәрсә булды? </h3> <p> <img width="522" src="https://kzn.ru/upload/iblock/858/8580e5f7238b811f1e00f559800a42b2.jpg" height="392" class="img-left"> Бәйрәмнең төп мәйданчыгында Түбән Камадан «Сал Урал» башкорт фольклор ансамбле, Чаллыдан «Гөлнәзирә» халык фольклор ансамбле, Казаннан «Аҡ тирәк» башкорт фольклор ансамбле, Zakaria күпмилләтле фолк-төркеме һәм җырчы-инструменталист Илнур Коләхмәтов чыгыш ясады.  </p> <p> Шуннан соң Уфадан «Самауырлы ритайым» проектында катнашучылардан башкорт халык биюе буенча мастер-класс узды. Биючеләрне күзәтеп торган шәһәр халкы биюгә кушылды һәм үзләре өчен яңа бию элементларын өйрәнде. Алар арасында олылар гына түгел, балалар да бар иде.  </p> <p> Кичәнең төп йолдызы – Башкортстан Республикасы курайчысы, халыкара һәм бөтенроссия конкурслары лауреаты Юлай Касыймов. Ул вакыйга тәмамланчы чыгыш ясады, ә бәйрәм Malsi Musicтан милли көйләрдән торган диджей-сет белән тәмамланды.  </p> <p> Исегезгә төшерәбез, проект Казан Мэриясе һәм Татарстан халыклары ассамблеясы тарафыннан Милли мәдәниятләр һәм традицияләр елы кысаларында республиканың Рәисе каршындагы Татар телен һәм Татарстан Республикасында яшәүче халыкларның туган телләрен саклау, үстерү мәсьәләләре буенча комиссия ярдәме белән гамәлгә ашырыла. </p>

2023-07-06T09:40:00+0300