Синоптиклар казанлыларга яңгыр, юеш кар, томан вәгъдә итә

Һава температурасы көндез 12 мартта +3 градуска кадәр күтәреләчәк.

(Казан шәһәре KZN.RU, 11-нче март). Иртәгә, 12 мартта, Казанда яңгыр һәм юеш кар рәвешендәге явым-төшемле болытлы һава көтелә. Көньяк-көнбатыштан талгын җил. Томан, юлларның аерым өлешләрендә бозлавык булырга мөмкин.

Һава температурасы төнлә һәм көндез +1-3 градус җылы булачак.

Тулаем Татарстан буенча шулай ук яңгыр һәм юеш кар рәвешендә явым-төшемнәр көтелә, томан булырга мөмкин. Төнлә аерым районнарда - бозлавык. Көндез көнбатыш районнарда урыны белән буран булачак. Көньяк-көнбатыштан талгын җил, урыны белән көчле җил. Төнлә һава температурасы минус 2 градустан +3 градуска кадәр, көндез – +1-6 градуска кадәр булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар