Аэропорттан Казанга кадәр өстәмә шәһәр яны поезды җибәреләчәк

Аэропорттан Казанга кадәр өстәмә шәһәр яны поезды җибәреләчәк

<p> </p> <div class="detail-picture"> <img src="https://kzn.ru/upload/iblock/3ea/DEN_3411-870.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 29 нчы сентябрь). 1 нче октябрьдән Аэропорт – Казан маршруты буенча өстәмә шәһәр яны поезды йөриячәк. Пассажирларга хезмәт күрсәтүнең сыйфатын яхшырту өчен җәдвәлгә үзгәрешләр кертелә. </p> <p> 6713 нче номерлы поезд Аэропорт станциясеннән көн саен 20:35 сәгатьтә китәчәк, Казан станциясенә 21:05 сәгатьтә килер дип көтелә. Поезд Юбилейная, Комбинат, Березовая роща, Вахитово станцияләрендә тукталыш ясаячак, дип хәбәр итә «Содружество» АҖ матбугат хезмәте.  </p> <p> Казан – Аэропорт – Казан маршрутына 2015 елдан «Содружество» шәһәр яны компаниясе хезмәт күрсәтә. Көн саен 6 пар поезд йөри, хәрәкәт җәдвәле халыкара аэропортның очыш графигын исәпкә алып эшләнгән.  </p> <p> Маршрутлар турында тулырак мәгълүматны +7(937)625-04-33 (шалтыратулар тәүлек буе кабул ителә) телефоны буенча, шәһәр яны пассажирлар компаниясе <a target="_blank" href="https://sodruzhestvoppk.ru/">сайтында</a>, «Россия тимер юллары пассажирларга» мобиль кушымтасында, шулай ук кассаларда һәм тукталыш пунктларындагы мәгълүмат стендларында белергә була. </p>

2022-09-29T14:15:45+0300