Бауман урамындагы Матбугат йорты БРИКС саммитына ремонтланачак

Бинада кунакханә бар, анда халыкара вакыйгада катнашучыларны урнаштырырга планлаштыралар

Фото: Денис Гордийко

(Казан шәһәре KZN.RU, 11 нче гыйнвар). Казанда узачак БРИКС саммитына төбәк әһәмиятендәге мәдәни мирас объекты булган Матбугат йортын ремонтлаячаклар.

Тема буенча материаллар:

Казанда Максим Горький яшәгән йортны төзекләндерәчәкләр

Бүгенге көндә ТР Мәдәни мирас объектларын саклау комитетына инженерлык системаларын үзгәртеп кору, бүлгеләр кую, ишек уемнарын яңарту, отделка эшләрен һәм башкаларны үз эченә алган проект карарлары кабул ителгән.

Матбугат йорты Бауман урамы, 19 адресы буенча урнашкан. Ул 1933 елдан 1935 елга кадәр төзелә. Проектлауда ул вакыттагы иң яхшы типографияләр проектлары үрнәкләре һәм илебездәге полиграфия биналарын төзү тәҗрибәсе кулланыла.

2015 елда биредә реставрациядән соң кунакханә урнашкан. Анда югары класслы номерлар, президент номеры, берничә ике бүлмәле люкслар, өстәмә конференцияләр залы һәм китапханә барлыкка киләчәк, дип хәбәр итә ТР Мәдәни мирас объектларын саклау комитетының матбугат хезмәте.

Исегезгә төшерәбез, БРИКС саммиты быел октябрь аенда Казанда узачак. Шәһәрдә масштаблы халыкара вакыйгага әзерлек башланды инде. Татарстан башкаласында катнашучыларны урнаштыру өчен 46 кунакханә әзерләнә.

Шулай ук укыгыз

Барлык яңалыклар