«МЧС» торак комплексының икенче йорты өлешчеләре озак көтелгән фатирлардан ачкычлар ала башлады

«Фон» озак төзелешен апрель ахырында файдалануга тапшырдылар.

Фото: Торак сәясәте идарәсе

(Казан шәһәре KZN.RU, 15-нче май). «МЧС» торак комплексының икенче йорты өлешчеләре озак көтелгән фатирлардан ачкычлар ала башлаган. 522 фатирга исәпләнгән «Фон» озак төзелеше апрель ахырында файдалануга тапшырылды.

Өлешчеләргә ачкычлар бирү процедурасы 15 майда башланды. Шәһәр Башкарма комитетының торак сәясәте идарәсендә хәбәр итүләренчә, бүген ачкычларны йортның 1-3-нче подъездларында урнашкан фатир милекчеләре ала. Булачак яңа фатир хуҗалары ачкычлар һәм фатирларны карау актлары бирү пунктына иртә белән килеп җиттеләр.

«Безнең гаилә 12 ел элек өлешләп төзү турында килешү төзеде. Ул вакытта оныклар юк иде. Ә бүген без алар белән бергә фатирыбызның ачкычларын алырга килдек. Без йортны төзеп бетерүегез өчен рәхмәтле», – дип сөйләде өлешчеләрнең берсе.

Якын арада ачкычлар йортның 500-дән артык өлешчесенә тапшырылачак. Киләсе яңа бинага шулай ук 120 парковка урыны һәм 240 келәт бүлмә тапшырылачак.

Исегезгә төшерәбез, «Фон» компаниясе тарафыннан төзелгән «МЧС» торак комплексының икенче йорты төзелеше белән «Ак таш» компаниясе шөгыльләнде. Төзелеш 2019 елның декабрендә өлешле төзелештә катнашучы гражданнарның хокукларын яклау федераль фонды белән имзаланган килешү кысаларында алып барылды. Финанслау федераль һәм республика акчалары исәбеннән гамәлгә ашырылды.

Икенче йортның «А» блогында эшләрнең бер өлешен «Комосстрой» Ижевск компаниясе башкарды – Губкин урамы буенча 9409 кв.м мәйданлы федераль җир кишәрлеге хисабына.

«МЧС» торак комплексына барлыгы биш йорт керә. Беренче йорт блоклар буенча тапшырылды һәм 2018 елда тулысынча файдалануга тапшырылды. Шул ук вакытта торак комплексының бишенче йортын файдалануга тапшырдык. Ике йорт тапшырылмаган булып кала – аларны хәзер «Ак таш»компаниясе төзеп бетерә.

Шулай ук укыгыз

Барлык яңалыклар