Ирекле ярдәмчеләр Казанның Авиатөзелеш районында урнашкан күл территориясен чүп-чардан чистартачак

Плоггингка барлык теләүчеләр дә кушыла ала, алдан теркәлү сорала.

Фото: Timerman матбугат хезмәте

(Казан шәһәре KZN.RU, 1 нче сентябрь). 3 нче сентябрьдә Казанда плоггинг форматында чираттагы экологик акция узачак. Волонтерлар Авиатөзелеш районында Өченче күл территориясен чүп-чардан чистартачак, перчаткалар һәм пакетларны оештыручылар урында бирәчәк.

Катнашучыларга 2 км йөгереп узарга һәм дистанция дәвамында мөмкин кадәр күбрәк чүп җыярга туры киләчәк. Старт алдыннан активистларны, чүп-чарны аерым җыю өчен, төркемнәргә бүләчәкләр, чара ахырында һәр ирекле ярдәмче истәлекле медаль алачак.

Плоггинг 11.00 сәгатьтә башланачак, очрашу урынын сылтама буенча карарга мөмкин. Катнашу өчен алдан теркәлергә кирәк, дип хәбәр итә Timerman матбугат хезмәте.

Плоггинг Яшьләр эшләре буенча федераль агентлыкның грант ярдәме белән Timerman спорт чаралары сериясе кысаларында оештырылган.

Исегезгә төшерәбез, 21 нче августта Казанда Зөбәрҗәт күле янындагы плоггингта активистлар 200 килограммнан артык чүп-чар җыйды, акциягә 70 тән артык кеше теркәлде.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар