1 февральгә кадәр Казан чыгарылыш сыйныф укучылары БДИ тапшыру өчен гариза бирә алалар

Унберенче сыйныф укучыларына тапшырыласы фәннәр исемлеген һәм имтиханда катнашу вакытын күрсәтергә кирәк.

(Казан шәһәре KZN.RU, 17-нче гыйнвар). 1-нче февральгә кадәр Бердәм дәүләт имтиханында катнашу өчен гаризалар кабул ителә. Чыгарылыш сыйныф укучыларына тапшырыласы фәннәр исемлеген һәм БДИда катнашу вакытын күрсәтергә кирәк.

11-нче сыйныф укучылары, узган елларда тәмамлаучылар, һөнәри училищелар студентлары һәм экстерннар шәхсән үзләре дә, ата-аналары һәм законлы вәкилләре аша да, шәхесләрен раслаучы документ нигезендә гариза бирә алалар. Гаризага катнашучының һәм әти-әнинең шәхси мәгълүматны эшкәртүгә ризалыгын беркетергә кирәк.

Унберенче сыйныф укучылары үз уку йортларына, ә экстерннар үзләре теләгән белем бирү оешмаларына гариза бирә.

Узган елларда тәмамлаучылар гариза биргәндә белем алу турындагы документларның оригиналларын яки белем алу турындагы документларның билгеләнгән тәртиптә расланган күчермәләрен күрсәтергә тиеш. Урта һөнәри белем алучы студентлар кебек үк, алар да яшәү урыны буенча муниципалитетларның мәгариф бүлекләренә (идарәләренә) гариза бирәләр.

Шулай ук укыгыз

Барлык яңалыклар