Атна ахырына кадәр Казанда яңгырлы һава торышы сакланачак

14 нче майда республика буенча термометр баганалары 19 градуска кадәр җылы күрсәтәчәк.

Фото: Денис Гордийко

(Казан шәһәре KZN.RU, 11 нче май). Атна ахырына кадәр Казанда яңгырлы һава торышы булачак.

Иртәгә, 12 нче майда, төнлә 2-7 градус җылы, көндез +11...+16 градус булачак. Урыны белән бераз яңгыр явачак. Көньяк-көнчыгыштан көньяк-көнбатышка таба күчүче талгын җил көтелә.

13 нче һәм 14 нче майда Татарстанда яңгырлы тотрыксыз һава торышы торачак, бу төньяк циклонның фронталь өлешләре йогынтысы белән бәйле. Төнлә һаваның минималь температурасы +5...+10 градус, көндез 13 нче майда 12-17 градус җылы тәшкил итәчәк. 14 нче майда көндез термометр баганалары +19 градуска кадәр күтәреләчәк, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар