Ел ахырына кадәр Казан епархиясенең тагын 10 гыйбадәтханәсендә сәламәтлек мөмкинлекләре чикле кешеләр өчен пандуслар һәм күтәрткечләр урнаштырылачак

Хәзерге вакытта шәһәрнең 15 мәхәлләсе гражданнарның аз хәрәкәтләнүче төркемнәре өчен уңайлы мохит белән тәэмин ителгән.

Фото: Денис Гордийко

(Казан шәһәре KZN.RU, 21 нче сентябрь). Ел ахырына кадәр Казан епархиясенең 10 гыйбадәтханәсендә халыкның аз хәрәкәтләнүче төркемнәре өчен пандуслар һәм күтәрткечләр урнаштыру планлаштырыла. Казан мәхәлләләрендә һәм поселокларда да тиешле эшләр алып барыла.

Гыйбадәтханәләр, чиркәүнең хәйрия һәм социаль хезмәт синодаль бүлеге белгечләре белән киңәшләшкәннән соң, сәламәтлек мөмкинлекләре чикләнгән кешеләр өчен уңайлыклар булу-булмауга экспертлар төркеме тарафыннан тикшерелде. «Без тиешле үлчәмнәр ясадык, берничә киңәшмә һәм консультациядән соң гыйбадәтханә руханиларына пандуслар проектларын һәм рекомендацияләр тапшырдык», – дип билгеләп үтте Казан епархиясе баш инженеры Михаил Федотов. Аның сүзләренчә, мәхәлләләрдә киртәсез мохит формалаштыру зур финанс кертемнәрен таләп итә, шуңа күрә эш акрынлап алып барылачак.

Хәзер Казан епархиясенең 15 гыйбадәтханәсе гражданнарның аз хәрәкәтле төркемнәре өчен уңайлы мохит белән тәэмин ителгән, дип хәбәр ителә Татарстан митрополиясе сайтында. Алар арасында: Казан Мәрьям Ана иконасы соборы (Большая Красная ур., 5б), Варварин гыйбадәтханәсе (Карл Маркс ур., 67), Изге Серафим Саровский гыйбадәтханәсе (Сафиуллин ур., 7), Изге Сергий Радонежский гыйбадәтханәсе (Краснококшайск ур., 101), Дәрвишләр бистәсендәге Изге Богородица гыйбадәтханәсе (Парк ур., 30), Царицынодагы Казан Изге Ана иконасы гыйбадәтханәсе (1 нче Владимир урамы, 42), Кенәз Александр Невский гыйбадәтханәсе (Сахаров ур., 16Б), Мирныйдагы Казан Изге Ана иконасы гыйбадәтханәсе (8 нче Дәүләки ур., 11), Вознесенскийдагы Тихвин чиркәве (Худяков тыкрыгы, 4), Никольский кафедраль соборы (Бауман ур., 5), Богоявление соборы (Бауман ур., 78 к. 1), Рус чиркәвенең яңа шәһитләре һәм ышанучылары гыйбадәтханәсе (Мәскәү ур., 39), Спасо-Евдокий чиркәве (Федосеев ур., 46), Макарьев монастыре йорты, Пантелимон гыйбадәтханәсе (Столяров ур., 39в), Кадыш авылындагы Тихвин гыйбадәтханәсе (Новая ур., 10/1).

Шулай ук укыгыз

Барлык яңалыклар