Февраль ахырына кадәр Казан метросында өстәмә состав йөриячәк

Февраль ахырына кадәр Казан метросында өстәмә состав йөриячәк

<p> </p> <div class="detail-picture"> <img src="https://kzn.ru/upload/iblock/f9e/f9e1493e60b35f79ddf638a59bb4cdb4.jpg"> <p class="detail-picture__caption"> Фото: Казан шәһәре KZN.RU </p> </div> <p> </p> <p> Февраль ахырына кадәр Казан метрополитенында өстәмә состав йөриячәк. Унберенче электропоездны иртәнге һәм кичке сәгатьләрдә линиягә чыгарачаклар. Бу вакыт аралыгында хәрәкәт интервалы биш минутка кадәр кимиячәк. </p> <p> Карар гыйнварда пассажирлар агымының артуы белән бәйле рәвештә кабул ителде, бу үз чиратында күп кар явуга бәйле, дип хәбәр иттеләр «Метроэлектротранс» предприятиесендә. Сынау режимында берничә көн дәвамында линиядә пик сәгатьләрдә биш минутлык интервал белән унбер электр составы (ун состав урынына) йөргән. </p> <p> Өстәмә поездны линиягә чыгару пассажирларны күпләп ташу сәләтен һәм платформаларны тиз бушатуны тәэмин итәргә мөмкинлек бирә, чөнки нәкъ менә иртән һәм кичен станцияләрдә кеше күп була. Предприятиедә пассажирлардан уңай бәяләмәләр алынды дип җиткерделәр. </p> <p> Исегезгә төшерәбез, 2020 елдан башлап Казан метрополитенында пассажирлар агымы даими үсә. Әгәр 2022 елда пассажирлар саны 10% ка арткан булса, 2023 елда 17% ка арткан. </p>

2024-02-07T13:31:13+0300