2019 ел ахырына кадәр Казанда 12 яңа светофор барлыкка киләчәк

Тагын 12 светофор объекты реконструкцияләнәчәк һәм җиһазландырылачак.

(Казан шәһәре KZN.RU, 30-нчы июль). Агымдагы ел ахырына кадәр Казанда 12 яңа светофор урнаштырылачак.

Шулай итеп, түбәндәге нокталарда яңа, транспорт чараларына тәэсир итә торган «вызывной» светофор объектлары барлыкка киләчәк: Академик Павлов урамы буенча 10-нчы номерлы йорт янында, Габдулла Тукай ур., 2, 1 к., Серов урамы бенча «Серов ур.» тукталышы янында һәм Кол Гали урамы буенча «Восточный торак массивы» тукталышы янында, Нурсолтан Назарбаев һәм Петербург урамнары киселешендә, Горький шоссесы, 47-нче номерлы йорт («Факел» кибете) янында. Транспорт светофорлары Боевая һәм Набережная, Нурихан Фәттах һәм Тансык, Нурихан Фәттах һәм Айрат Арсланов, Бертуган Батталовлар һәм Медицина, Академик Губкин һәм Зур Урам урамнары киселешендә урнаштырылачак.

Салмачы торак массивының Центральная урамында җемелдәп эшли торган светодиод светофор (Т-7) барлыкка киләчәк.

Шулай ук ел ахырына кадәр 12 светофор объекты реконструкцияләнәчәк һәм төзекләндереләчәк, дип хәбәр итә Казанның транспорт комитеты. Өстәмә секцияләр Достоевский һәм Товарищеская, Маршал Чуйков һәм Мусин, Маршал Чуйков һәм Адоратский урамнары киселешендәге светофор объектларында барлыкка киләчәк.

Җәяүлеләр өчен светофорлар Тэцевская һәм Белинский, Карл Маркс һәм Мөштәри, Короленко һәм Гагарин, Чистай һәм Меридиан урамнары киселешендә урнаштырылачак.

Светофор объектларын реконструкцияләү Беломорск һәм Челюскин, Айдаров һәм Лукин, Гагарин һәм Короленко, Бертуган Касыймовлар һәм Рихард Зорге, Большая Красная һәм Гоголь урамнары киселешендә башкарылачак.

Шулай ук укыгыз

Барлык яңалыклар