4 нче августка кадәр Казанда Фучик урамы буенча шәхси транспорт хәрәкәте чикләнәчәк

4 нче августка кадәр Казанда Фучик урамы буенча шәхси транспорт хәрәкәте чикләнәчәк

<p> </p> <div class="detail-picture"> <img src="https://kzn.ru/upload/iblock/012/DSC_2191-870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 14 нче июль, Дмитрий Никитин). Казанда 15 нче июльдән Фучик урамы – Минск урамыннан Зәкиев урамына кадәр – шәхси транспорт хәрәкәте өчен өлешчә ябыла. 20 көн дәвамында биредә вакытлыча урап узу юлын әзерләүнең соңгы этабы барачак, аның буенча Фучик урамы аша гамәлдәге күперне реконструкцияләү вакытында хәрәкәт оештырылачак. Масштаблы эшләр Вознесение трактын төзү кысаларында башкарыла. <p> </p> <p> Хәрәкәтнең ябылуы Фучик урамы белән вакытлыча юл кисешкән урында биеклекнең якынча 3 метрга үзгәрүе белән бәйле, дип аңлатты Тышкы төзекләндерү комитеты рәисе Игорь Сәләхетдинов. «Шуның аркасында катлаулы тыгызлыклы җир катламы өемнәре салырга кирәк. Вакытлыча әйләнгеч юл төзелеше күпер янында җылылык магистраль челтәрләре, электр- һәм газ белән тәэмин итү челтәрләре узуы аркасында катлаулана. Шуңа күрә төзелеш эшләрен хәрәкәтне чикләмичә генә тәмамлап булмый», - дип ассызыклады И.Сәлахетдинов. </p> <p> Автомобиль хуҗалары Фучик урамы буенча ябык участокны Җиңү проспекты, Минск һәм Зәкиев урамнары аша уза алачак. Сахаров урамыннан проспект буенча хәрәкәт иткәндә машина йөртүчеләргә уңайлы булсын өчен сулга Минск урамына вакытлыча борылу рөхсәт ителәчәк, дип аңлатты Транспорт комитеты рәисе Әмир Сафин. </p> <p> Чикләүләр җәмәгать транспортына кагылмаячак. «Көн саен күпер буенча ун автобус һәм өч троллейбус маршруты уза. Аларның хәрәкәте өчен һәр якка бер полоса бүлеп биреләчәк», - дип өстәде Әмир Сафин. Әлеге участокта транспорт хәрәкәте схемасы ЮХИДИ белән берлектә расланган. Чикләүләр гамәлдә булган чор эчендә Транспорт комитеты юл ситуациясенә мониторинг алып барачак, кирәк булган очракта хәрәкәт схемасына төзәтмәләр кертелергә мөмкин. 15 нче июльдән 4 нче августка кадәр Зәкиев һәм Минск урамнары чатларында Фучик урамы буенча ЮХИДИ хезмәткәрләре кизү торачак. </p> <p> <img src="https://kzn.ru/upload/iblock/488/zakrytie_fuchika.jpg" class="img-left"> <br> </p> <p> Вакытлыча юл буенча хәрәкәтне 4 нче августка төзелеш эшләре тәмамланганнан соң ачарга планлаштыралар. Юлда ике юнәлештә дә дүрт хәрәкәт полосасы, шулай ук киң тротуар булачак. </p> <p> Күпернең үзен реконструкцияләү якын арада башланачак, дип өстәде Игорь Сәлахетдинов. «Төзүчеләргә аның астындагы юлны 6 полосага кадәр киңәйтергә, шулай ук күпер конструкцияләрен ныгытырга кирәк булачак», - дип сөйләде ул. Реконструкциядән соң күпер буенча хәрәкәт ике юнәлештә дә 4 хәрәкәт полосасы буенча башкарылачак. Шулай ук төзүчеләр җәяүлеләр өчен тротуарларны да киңәйтәчәкләр. </p> <p> Хәзерге вакытта Фучик урамы буенча вакытлыча әйләнгеч юл төзүдән тыш, Җиңү проспектында яңа автомобиль юлы һәм Нокса елгасы аша күпер янында ике җир өсте кичү юлы төзелешенә әзерлек эшләре бара. </p> <p> Вознесение тракты төзелеше масштаблы проект булып тора һәм шәһәр инфраструктурасы һәм казанлылар тормышы өчен зур әһәмияткә ия, дип ассызыклады И.Сәлахетдинов. Транспорт уңайсызлыкларын киметү максатыннан шәһәр җитәкчелеге транспорт хәрәкәтен нәкъ менә җәйге чорда чикләргә дигән карар кабул итте, чөнки әлеге чорда күпчелек халык отпускаларда һәм шәһәрдән читтә була. </p> <p> Исегезгә төшерәбез, хәзер Татарстан башкаласында Вознесение трактының барлык участокларында да төзелеш эшләре бара. Объектта көн саен 478 эшче һәм 161 берәмлек техника эшли. </p> <p> Проект буенча Гвардия урамыннан Җиңү проспектына кадәр беренче юл участогының озынлыгы – 4 км, киңлеге – 13-17 метр, һәр якка өч полосага кадәр. Велосипед юллары, яңгыр канализацияләре булдыру каралган, ә тротуарларның киңлеге 2,2-4,5 м тәшкил итәчәк. Хәзер Вознесение тракты һәм Гвардия урамы киселешендәге чишелеш, җир асты кичүләре һәм яңгыр сулары канализациясен үзгәртеп кору тәмамланып килә. Гвардия урамы буенча <a target="_blank" href="https://kzn.ru/meriya/press-tsentr/novosti/i-metshin-o-voznesenskom-trakte-s-kazhdym-dnem-mechta-nashikh-predshestvennikov-vse-blizhe-k-realiza/">туры транспорт хәрәкәтен сентябрьдә башлап җибәрү планлаштырыла</a>. Икенче этапны, тиешенчә финансланган очракта, 2024 елга тапшырырга планлаштыралар, дип нәтиҗә ясады И.Сәлахетдинов. </p>

2022-07-14T12:26:17+0300