Казанлылар 16 яшькә кадәрге балаларга түләүләр алу өчен гаризаны 30 сентябрьгә кадәр бирә ала

+7(843)279-27-27-27 телефоны аша тагын да тулырак мәгълүмат алырга була.

(Казан шәһәре KZN.RU, 21-нче август). Казанлылар 16 яшькә кадәрге балаларга түләүләр алу өчен гаризаны 30-нчы сентябрьгә кадәр бирә ала.

Исегезгә төшерәбез, өч яшькә кадәрге балаларга өч ай эчендә 5 мең сум айлык түләүләрне Россия Пенсия фонды апрельдән чыгара башлады. Июньнән 3 яшьтән 16 яшькә кадәрге балаларга 10 мең күләмендә бер тапкыр түләнә торган түләүләр башкарыла. Моннан тыш, Россия Президентының 23-нче июнь указы нигезендә, июльдә 16 яшькә кадәрге балаларның ата-аналары, уллыкка алучылары, опекуннары һәм попечительләре 10 мең сум күләмендә өстәмә бер тапкыр түләнә торган түләүгә хокук алды. Айлык яки бер тапкыр түләнә торган гаризалар нигезендә автоматик рәвештә бирелүе әлеге түләүнең үзенчәлеге булып тора.

Түләү алмаган кешеләргә 30-нчы сентябрьгә кадәр Дәүләт хезмәтләре порталы, күпфункцияле үзәкләр яки Пенсия фондының клиент хезмәтләре аша гариза бирергә кирәк. Мөрәҗәгать итүченең паспорты, түләүдә каралган һәр баланың тууы турында таныклыгы, мөрәҗәгать итүченең банк счеты реквизитлары, баланың опекада булуын раслый торган документлар булырга тиеш. +7(843)279-27-27-27 телефоны аша тагын да тулырак мәгълүмат алырга, шулай ук кабул итүгә алдан язылып куярга була, дип хәбәр итә Россия Пенсия фондының ТР буенча бүлеге матбугат хезмәте.

Шулай ук укыгыз

Барлык яңалыклар