24 июньгә кадәр Казанның Киров районында кайбер урамнар өлешчә ябыла

Чикләүләр Галимҗан Баруди һәм Контейнер урамнарына кагыла.

(Казан шәһәре KZN.RU, 7-нче июнь). 24 июньгә кадәр Казанның Киров районында Галимҗан Баруди һәм Контейнер урамнары транспорт хәрәкәте өчен өлешчә ябыла.

Бу юл төзекләндерү белән бәйле. Тиешле карар шәһәр Башкарма комитетында кабул ителде.

Хәрәкәт юлның түбәндәге өлешләрендә чикләнә:

Галимҗан Баруди ур., Батыршин урамыннан Восход урамына кадәр;

Контейнер ур. Боевая урамы буйлап, Контейнер урамының 1-нче йортыннан “Пролетарий” бакчачылык ширкәтенә кадәр.