«Наше время – Безнең заман» фестиваленә гаризалар кабул итү 1 октябрьгә кадәр дәвам итә

Быел фестиваль 1-нче марттан 16-нчы ноябрьгә кадәр узачак һәм Эшче һөнәрләр елына багышланачак.

(Казан шәһәре KZN.RU, 26-нчы сентябрь). 1-нче октябрьгә кадәр «Наше время – Безнең заман» VII ачык республика телевизион иҗат фестивалендә катнашу өчен гаризалар кабул итү дәвам итә.

Конкурста 18 яшьтән 35 яшькә кадәрге эшче яшьләр музыка, хореография, нәфис сүз остасы буенча үзләрен күрсәтә ала. Быел фестиваль 1-нче марттан 16-нчы ноябрьгә кадәр узачак һәм Эшче һөнәрләр елына багышланачак. Чара, катнашу шартлары, шулай ук гаризаны ничек тапшырырга мөмкин икәнлеге турында тулырак мәгълүматны фестиваль сайтында табарга була, дип хәбәр итә Татарстан Республикасы Сәнәгать һәм сәүдә министрлыгы матбугат хезмәте.

Исегезгә төшерәбез, конкурс кысаларында дүрт зона туры һәм финал узачак. Казанда 26-27 октябрьгә планлаштырылган дүртенче зона этабы узачак. Чараның икенче көнендә Ленин исемендәге мәдәният һәм ял итү комплексында гала-концерт була.

Финал 13-14 ноябрьдә Идел буе дәүләт физик культура, спорт һәм туризм академиясенең концертлар залында узачак. Монда жюри рәисе һәм генераль продюсердан махсус чакыру алган зона турларында җиңүчеләр үтәчәк. Соңрак, 16-нчы ноябрьдә, «Пирамида» мәдәни-күңел ачу комплексында зур гала-концерт узачак.

Шулай ук укыгыз

Барлык яңалыклар