Көндез Казанда урамнарны кардан чистартырга 298 юл эшчесе һәм 229 махсус техника чыгачак

Үткән тәүлектә шәһәр урамнарыннан 8,4 мең тонна кар чыгарылган.

Фото: Марат Мугинов

(Казан шәһәре KZN.RU, 9-нчы гыйнвар). Бүген көндез Казанда урамнарны кардан чистартырга 298 юл эшчесе һәм 229 берәмлек махсус техника чыгачак, шул исәптән 53 катнаш юл машинасы, 51 трактор щеткасы, 57 үзбушаткыч, 29 фронталь төягеч, «Барсик» минитөягече һәм башка техника.

Кар чыгару 2 нче Азино, Адоратский, Әхмәров, Батурин, Батыршин, Бауман, Беломорск, Богатырев, Восстание, Рауис Гәрәев, Кол Гали, Академик Губкин, Декабристлар, Достоевский, Ильич, Копылов, Кремль, Курчатов, Латыш Укчылары, Сул як Болак, Максимов, Минск, Нариманов, Петербург, Уң як Болак, Солдат, Халезов, Клара Цеткин, Челюскин, шулай ук Ямашев проспектыннан, Меңьеллык мәйданыннан һәм башка территорияләрдән башкарылачак.

Үткән тәүлектә шәһәр урамнарыннан 8,4 мең тонна кар чыгарылган, шәһәрне җыештыруда 572 махсус техника һәм 345 юл эшчесе катнашкан, дип хәбәр иттеләр тышкы төзекләндерү комитетында. Кышкы сезон башыннан Казан урамнарыннан 162 мең тоннадан артык кар чыгарылган.

Шәһәр юлларында соңгы тәүлек эчендә 802 тонна бозлавыкка каршы материал кулланылган. Сезон башыннан юл хезмәтләре 25,4 мең тоннадан артык бозлавыкка каршы катнашма кулланган.

Шулай ук укыгыз

Барлык яңалыклар