Көндез Казан урамнарын кардан чистартырга 509 юл эшчесе һәм 260 берәмлек махсус техника чыгачак

Узган тәүлектә шәһәр урамнарыннан 5,7 мең тоннадан артык кар чыгарылган.

Фото: Марат Мугинов

(Казан шәһәре KZN.RU 26-нчы ноябрь). Бүген көндез Казанда урамнарны кардан чистартырга 509 юл эшчесе һәм 260 берәмлек махсус техника чыгачак, шул исәптән 51 катнаш юл машинасы, 67 трактор щеткасы, 50 үзбушаткыч, 38 фронталь төягеч, 36 «Барсик» минитөягече һәм башка техника.

Кар чыгару Авангард, Авзалова, Айдинов, Батурин, Беломорск, Большая Красная, Бертуган Батталовлар, Васильченко, Волгоград, Восстание, Гарифьянов, Гафури, Гвардия, Гыйззәт, Губкин, Дзержинский, Дубравная, Ершов, Зорге, Ипподром, Маркс, Кремль, Кулагин, Липатов, Литвинов, Магистраль, Миславский, Мәскәү, Мөштәри, Назарбаев, Нокса авышлыгы, Островский, Павлюхин, Пушкин, Ротор, Сафиуллин, Спартак, Сыртланова, Тинчурин, Толбухин, Фукс, Хәким, Халев, Химия, Чкалов, Шакиров, Шаляпин, Щапов, Юсупов, шулай ук Оренбург тракты, «Казан» Гаилә үзәге янындагы сквер, Җиңү паркы, Вокзал яны мәйданы, Киров дамбасы һәм башка участоклардан башкарылачак.

Узган тәүлектә урамнардан 5,7 мең тоннадан артык кар чыгарылган, шәһәрне җыештыруда 466 махсус техника һәм 536 юл эшчесе катнашкан, дип хәбәр иттеләр Казан Башкарма комитетының Тышкы төзекләндерү комитетында. Кышкы сезон башыннан шәһәр урамнарыннан 28 мең тоннага якын кар чыгарылган.

Юлларда тәүлек эчендә 552 тонна бозлавыкка каршы материал кулланылган. Сезон башыннан юл хезмәтләре 9,5 мең тоннага якын бозлавыкка каршы катнашма тоткан.

Исегезгә төшерәбез, Казанда кар чистарту мәсьәләләре буенча кайнар линия телефоннары эшли. KZN.RU порталында бастырылган район администрацияләре телефоннары буенча да, «Ачык Казан» сервисы аша да мөрәҗәгать итәргә мөмкин. Рөхсәтсез кар ташлау фактлары турында ТР Экология министрлыгына хәбәр итәргә мөмкин.

Шулай ук укыгыз

Барлык яңалыклар