Көндез Казан урамнарын җыештыру өчен 400 берәмлек махсус техника һәм 541 юл эшчесе чыкты

Узган тәүлектә 13,5 мең тоннадан артык кар чыгарылган.

Фото: Марат Мөгыйнов

(Казан шәһәре KZN.RU, 11 нче февраль). Бүген көндез Казан урамнарын кардан чистарырга 541 юл эшчесе һәм 400 берәмлек махсус техника, шул исәптән 61 катнаш юл машинасы, 79 трактор щеткасы, 113 үзбушаткыч, 76 фронталь төягеч, 37 «Барсик» минитөягече һәм башка техника чыкты.

Кар 2 нче Тура, Авангард, Аграр, Әмирхан, Бауман, Беломорск, Бигичев, Вахитов, Восстание, Гәрәев, Губкин, Даурия, Девятаев, Декабристлар, Ершов, Зорге, Камалиев, Качалов, Королев, Коротченко, Космонавтлар, Курчатов, Кутуй, Ленинград, Лумумба, Магистраль, Мариуполь, Нариманов, Парк, Петербург, Сәетгалиев, Солидарность, Ташаяк, Тура, Футбол, Фучик, Чуйков урамнары участокларыннан, Ибраһимов һәм Ямашев проспектларыннан, Вокзал мәйданыннан, Мамадыш, Оренбург һәм Себер трактларыннан, Әмәт, Грабарский һәм Калуга поселокларыннан, «Салават Күпере» микрорайоныннан, шулай ук урамнарның башка участокларыннан чыгарылачак.

Узган тәүлектә урамнардан 13 мең 585 тонна кар чыгарылган, ә кышкы сезон башыннан – 759 мең 83 тонна кар, дип хәбәр иттеләр Казан Башкарма комитетының Тышкы төзекләндерү комитетында.

Юлларда тәүлеккә 313 тонна реагент һәм 607 тонна ком-тоз катнашмасы кулланылган.

Исегезгә төшерәбез, шәһәрдә кар чистарту буенча кайнар линияләр эшли. KZN.RU порталында урнаштырылган район администрацияләре телефоннары буенча да, «Ачык Казан» сервисы аша да мөрәҗәгать итәргә мөмкин. Рөхсәтсез кар ташлау фактлары турында хәбәрләр ТР Экология министрлыгында кабул ителә.

Шулай ук укыгыз

Барлык яңалыклар